ଲାଇବ୍ରେରୀ
ପ୍ରୋଫାଇଲ୍
ବିବର୍ତ୍ତିତର ବିଳାପ
ବିବର୍ତ୍ତିତର ବିଳାପ
1 min
389
ସୃଷ୍ଟି ଶ୍ରେଷ୍ଠ ଜୀବ ପାଇଁ
ମାନବକୁ ବାଛି
ଭୁଲ କରିଅଛି ଆଜ
ଧରଣୀ ଭାବୁଛି !
ନିଜ ଦନ୍ତେ ନିଜ ଜିହ୍ଵା
ଛେଦିବାକୁ ନର
ପ୍ରୟୋଗେ ପଛାଏ ନାହିଁ
ଜୈବିକ ଅସ୍ତ୍ରର ।
ଯେ ପାଞ୍ଚେ ପରର ମନ୍ଦ
ସେହୁ ଭୋଗେ ଫଳ
ସେହି ପରକାରେ ଦେଖ
ଉପନୀତ କାଳ ।
ବିବର୍ତ୍ତିତର ବିଳାପ
ଦେଖ ଶୁଣ ସର୍ବେ
କେଡ଼େ ନିଃସହାୟ ସତେ
ନରଦେହୀ ଭବେ ।
ଭୂତାଣୁ ପ୍ରଭାବେ ଜାଣ
କାନ୍ଦେ ସବୁ ଦେଶ
ରଥୀ ମହାରଥୀ ରାଷ୍ଟ୍ର
ଅସହାୟେ ବଶ ।
ଜନ୍ତୁ ଜୀବ ପୀଡ଼ ନୀତି
କର ପରିତ୍ୟାଗ
ପ୍ରକୃତିର ଭାରସାମ୍ୟ
ଭାଳ ଭାଈ ଆଗ।
