ସ୍ଵଦେଶୀ

ଗୋଲାପ ଏକ ବିଦେଶୀ ଫୁଲ 

   ମନେ ରଖିଥା ତୁହି 

    ଆରୋହଣର ପଥ ସବୁଠି 

    ଗୋଲାପ ଶେଜ ନାଇଁ

ଆଳୁ ପରିବା ଗୋଟି ଜାଣିଥା 

   ବିଲାତୁ ଆସିଅଛି 

  ଶୀରି ମନ୍ଦିରେ ସେଥି ପାଇଁକି 

  ପ୍ରସାଦେ ନ ପଡ଼ୁଛି

ପିଜା ବର୍ଗର ଚାଉମିନ୍ ଯେ 

   ବିଦେଶାଗତ ଅଟେ 

   ସଞ୍ଜ ନଇଁଲେ ବଜାରେ ବୁଲି  

   ଖାଅନି ଜମା ମୋଟେ

 ସ୍ଵଦେଶୀ ଛାଡ଼ି ବିଦେଶୁ ଭିଡ଼ି 

    ନିତ୍ୟ ନୂତନ ଚିଜ 

    ପ୍ରଗତି ପଥୁଁ ଦେଶକୁ ରୋକୁ

    ନୁହେଁ କି ହୀନ କାର୍ଯ୍ୟ

ରାଷ୍ଟ୍ର ହିତଠୁଁ ବିଚ୍ୟୁତି ହେବା 

   ନୁହଁଇ ଆମ ଧର୍ମ 

   ଅର୍ଥନୀତି ଯେ ସମୃଦ୍ଧ ହେବ 

   ବୁଝ ସ୍ଵଦେଶୀ ମର୍ମ