ଫଗୁଣ

ଫଗୁଣ ଆସିଲା ଲୋ 

ଫଗୁଣ ଆସିଲା  

ସକଳ ପାଦପ 

ନବ ପଲ୍ଲବିତ ହେଲା

ଧରଣୀ ରାଣୀର ମନ ପ୍ରୀତ ଉଲ୍ଲସିତ 

ଶୋହେ ଚଉଦିଗେ ଅବା ସ୍ୱର୍ଗ ପାରିଜାତ

ଋତୁରାଜ ଋତୁଶ୍ରେଷ୍ଠ 

ଆଗମନ କଲା ଲୋ 

ଆଗମନ କଲା

ଫଗୁଣ ଆସିଲା

କିଂଶୁକ କୁସୁମ ତୋରା ମନୋରମ ଅତି

ସୁସଜ୍ଜିତ ଲାଲ୍ ପାଟେ ଅବା ବସୁମତୀ

ମଳୟ ମୃଦୁ ପରଶେ

ମନ ମୋହି ନେଲା ଲୋ

ମନ ମୋହି ନେଲା

ଫଗୁଣ ଆସିଲା ଲୋ

ରହି ରହି ଶୁଭେ ଆମ୍ର ବନେ ପିକରାବ

ପଞ୍ଚମ ସ୍ୱରର ତାନେ ଉତ୍ଫୁଲିତ ଭାବ

ଦଶଦିଶେ ମଳୟଜ

କାୟା ବିସ୍ତାରିଲା ଲୋ

କାୟା ବିସ୍ତାରିଲା

ଫଗୁଣ ଆସିଲା ଲୋ