Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Lokanath Rath

Action Classics Inspirational

3.5  

Lokanath Rath

Action Classics Inspirational

ସମ୍ପର୍କ କହେ

ସମ୍ପର୍କ କହେ

2 mins
207


ଏହି ଦୁନିଆରେ ଜନ୍ମି ଚାଲିବାକୁ ହୁଏ ବନ୍ଧୁ 

 ଅଙ୍କା ବଙ୍କା ପଥେ ସେହି ଆମ ଜୀବନଯାତ୍ରାରେ, 

ବଢିବାକୁ ହୁଏ ସମ୍ପର୍କର ହାତ ଧରି ସଭିଙ୍କୁ 

  ଆଉ ସେହି ସମ୍ପର୍କ କହେ ଅତି ଆପଣାର ।


ଜନ୍ମି ପିତା ମାତା କୋଳେ ବଡ଼ ଆଦରରେ 

  ବିତି ଯାଏ ଆନନ୍ଦେ ଦିନ ସବୁ ଶୈଶବରେ, 

ସେହି ବାତ୍ସଲ୍ୟ ସମ୍ପର୍କର ହାତ ଧରି ଉଠେ 

  ସମ୍ପର୍କ କହେ ପ୍ରଥମ ପାହାଚ ଏହା ଜୀବନର ।


ସ୍ନେହ ମମତାର ବନ୍ଧନରେ ବାନ୍ଧି ହୋଇ ଶିଖେ 

  ଭଲପାଇବାର ସେହି ଅତୁଟ ପ୍ରେମକୁ ତାଙ୍କ ଠାରୁ, 

ସେହି ଅମୃତ ସମ୍ପର୍କର ହାତ ଧରି ବଢିଚାଲେ 

   ସେହି ସମ୍ପର୍କ କହେ ପିତାମାତା ପ୍ରଥମ ଗୁରୁ ।


ବୟସର ତାଳେ ବଢି ଯେବେ ପ୍ରବେଶ କରଇ 

  ଶିକ୍ଷା ଲାଭ ପାଇଁ ବିଦ୍ୟାଳୟ ଗୁରୁ କୂଳେ, 

ଲଭଇ ଶିକ୍ଷା ପ୍ରଗତିର, ସମ୍ପର୍କର ହାତ ଧରି 

  ସେହି ସମ୍ପର୍କ କହେ, ଶିଷ୍ୟଙ୍କୁ ଗୁରୁ ମିଳେ ।


ଗୁରୁ ଶିଷ୍ୟର ଏହି ସମ୍ପର୍କ ଅଟଇ ଭିନ୍ନ 

  ଗୁରୁଙ୍କ ଆଶିସେ ସଫଳ ହୁଏ ସଭିଙ୍କ ଜୀବନ, 

ସେହି ସମ୍ପର୍କର ହାତ ଧରି ଚାଲି ଲଭେ 

  ଚଞ୍ଚଳତା ଉନ୍ମାଦନା, ତାକୁ ସମାର୍ଜ କହେ ଯୌବନ ।


ସେହି ଯୌବନରେ ବନ୍ଧା ହୁଏ ବନ୍ଧୁତ୍ୱର ଡୋରରେ 

  ନେଇ ସଭି ବାଲ୍ୟ ବନ୍ଧୁଙ୍କୁ ନିଜ ସାଙ୍ଗରେ, 

ଏହି ବନ୍ଧୁତ୍ୱ ସମ୍ପର୍କର ହାତ ଧରି ପାଏ 

   ମନର ମଣିଷ, ସମ୍ପର୍କ କହେ ପଡିଛି ପ୍ରେମରେ ।


ସେହି ପ୍ରେମ ରସ ପାନ କରି ଗଢେ 

  ଧୀରେ ଧୀରେ ନିଜର ଏକ ସୁନ୍ଦର ସଂସାର, 

ପତିପତ୍ନୀ ସମ୍ପର୍କର ହାତ ଧରି ସ୍ବପ୍ନ ଦେଖନ୍ତି 

  ସମ୍ପର୍କ କହେ, ଧର୍ମ ଏହା ବୈବାହିକ ଜୀବନର ।


ପତିପତ୍ନୀ ମିଶି ଗଢନ୍ତି ସଂସାର ବଡ଼ ନିର୍ବିକାରେ 

  ପୁତ୍ର କନ୍ୟା ପୌତ୍ର ପୌତ୍ରୀ ମାନଙ୍କ ସାଥିରେ, 

ଏହି ସମ୍ପର୍କର ହାତ ଧରି ବାର୍ଦ୍ଧକ୍ୟ ଲଭନ୍ତି 

  ସମ୍ପର୍କ କହେ, ଏହା ଅଟେ ଆମ ଜୀବନଚକ୍ରରେ ।


ଏହି ଜୀବନଚକ୍ର ସୁଖ ଦିଏ ଦୁଃଖ ଦିଏ 

  ସ୍ବପ୍ନ କିଛି ପୁର୍ଣ କରି, କିଛି ନକରି, 

ସମ୍ପର୍କର ହାତ ଧରି ଦୁଃଖର ଲୁହ ପିଇଯାଏ 

 ସମ୍ପର୍କ କହେ, ବୟସ ଆସୁଛି ପୁରି ପୁରି ।


ପତି ଅବା ପତ୍ନୀ କେହି ଛାଡି ଚାଲିଯାଏ 

 ଏକା କରିଦେଇ ଅନ୍ୟକୁ ଏହି ଦୁନିଆର ଜୀବନ ଯାତ୍ରାରେ, 

ଆଉ ସମ୍ପର୍କର ହାତ ଧରି ଚାଲି ହୁଏନାହିଁ 

  ସମ୍ପର୍କ କହେ, ରହିଛି ରହିବ ସିଏ ସ୍ମୃତିରେ ।


Rate this content
Log in