ସମ୍ପର୍କ ଚିର ଶାଶ୍ଵତ

କେତେ ଦୂରେ ଚାନ୍ଦ    କାହିଁ ଯେ କୁମୁଦ

       ସମ୍ପର୍କ କୌମୋଦି ଜର

ବାନ୍ଧି ହୋଇଅଛି     ପ୍ରେମର ଡୋରି ରେ

       ସତେ କେତେ ଚମତ୍କାର

ଅଭିନ୍ନ ୟେ ପ୍ରେମ        ଅଭିନ୍ନ ସମ୍ପର୍କ

         ଚିରନ୍ତନ ନିରନ୍ତର ।।

ସୂରୁଯ ଉଇଁଲେ      ସିନ୍ଦୂରା ଫାଟଇ

       ସ୍ଵର୍ଣ୍ଣ ରଶ୍ମୀ ପଡେ ଝରି

ସେ ରଶ୍ମୀ ପରସେ    ସରେ ପଦ୍ମ ହସେ

      ଅମୀୟ ସମ୍ପର୍କ ଡୋରି

ନିତ୍ୟ ଚିରନ୍ତନ      ସତ୍ୟ ସନାତନ

    ୟେ, ପ୍ରେମରେ ରହିଛି ଭରି ।।

ନୀଳ ମେଘ ଦେଖି    କେକା ପୁଚ୍ଛ ଟେକି

        ଲତା ଗହଳରେ “ନୃତ୍ୟ

ରଚଇ” ଯେମିତି         ପ୍ରଣୟ ପିରତି

           ମୁଗ୍ଧ ଅଭିନବ ଚିତ୍ର

ସମ୍ପର୍କ ଏମିତି          ଅମୃତ ବନ୍ଧନ

        ସୁନ୍ଦର ଚିର ଶାଶ୍ଵତ ।।