ସକଳ ତୀର୍ଥ ତୋ ଚରଣେ

ବୋଳିବି ମୁଣ୍ଡରେ ବଡ଼ଦାଣ୍ଡ ଧୂଳି

ଦେଖିବି ତୋ ମୁହଁ ବେନି ନୟନେ

କାଳିଆ ସାଆନ୍ତ ଜଗତନାଥ ମୋ

ସକଳ ତୀର୍ଥ ତ ତୋର ଚରଣେ ।

ପତିତପାବନ    ଉଡେ ଫରଫର

  ଗାଏ ଯଶକୀର୍ତ୍ତି ମହା ଉଦଧି

ଚଳେ ନନ୍ଦିଘୋଷ  ଯାତ ଗୁଣ୍ଡିଚାରେ

  ସଙ୍ଗତେ ଥାଆନ୍ତି ଭାଇ ଶେଷାଦ୍ରୀ

 ମଝିରେ ଭଉଣୀ   ଚାଲନ୍ତି ସୁଭଦ୍ରା

  ମିଳଇ ମୁକତି ତୋର ଦର୍ଶନେ ।

ବଡ଼ ତୋ ଦେଉଳ  ସିଂହ ଦୁଆରରେ

   ଗହଳଚହଳ ବରଷ ଯାକ

Advertisement

p>

ବାରମାସେ ହୁଏ    ତେର ଯାନିଯାତ

  ତୋ ଶିରୀ ମନ୍ଦିର ପୁରୀ ଗୋଲୋକ

ତୋ ଅନ୍ନ କଣିକା   ଶ୍ରୀ ମହାପ୍ରସାଦ

  ପାଇବାକୁ ସଦା ବଳାଏ ମନେ ।

ଆନନ୍ଦ ବଜାରେ  ନାହିଁ ଭେଦାଭେଦ

  ମିଳଇ କୈବଲ୍ୟ ଟଙ୍କତୋରାଣୀ

ହୁଏ କିଣାବିକା   ଛପନଭୋଗ ତୋ

  ରଜା ଠାରୁ ରଙ୍କ ତୋ ପାଖେ ଋଣୀ

ରହିଥାଉ ସଦା   ତୋ ଶୁଭ ଆଶିଷ

  କରୁଅଛି ଅଳି ଯୋଡ଼ ହସ୍ତଣେ ।