ସିଂହଭୂମ ଓଡ଼ିଆ ଆମେ

ଷୋହଳ କଳାରେ ଭୂଷିତ ଭୂମି

ଏହୁତ ପରା ଆମ ସିଂହଭୂମି

କଳା ଛଉ ନୃତ୍ୟେ ସଜ୍ଜିତ ଭୂମି 

ସମ୍ମାନ ପାଉଛି ବିଶ୍ଵ ରେ ଭୂମି 

ଓଡ଼ିଆ ଙ୍କ ଭୂମି

ଓଡ଼ିଶାରାଜ୍ୟର ଛେଉଣ୍ଡ ଭୂମି ।

ଆରାଧ୍ୟ ଯାହାର ଜଗା ଠାକୁର

ଉତ୍କଳ ସଂସ୍କୃତି ସଂସ୍କାର ଯାର

ପର୍ବ ଓ ପର୍ବାଣୀ ଏକ ପ୍ରକାର 

କାହିଁ ନଜର ଏଠି ଓଡ଼ିଶାର 

ଦୁର୍ଦ୍ଦଶା ଆମର 

ହୁଏ କାହିଁ ମନ ଦେଖି କାତର ।

ଗୀତା ଯଜ୍ଞ ଶାଳା ଜଗା ମନ୍ଦିର

ପ୍ରେମ ପ୍ରୀତି ଶ୍ରଦ୍ଧା ସିଂହଭୂମିର

ତ୍ୟାଗସେବାଭାବ ସ୍ବଭାବଯାର

ରାଷ୍ଟ୍ରହିତେକାର୍ଯ୍ୟ କର୍ତ୍ତବ୍ୟତାର

ବିଚ୍ଛିନ୍ନାଞ୍ଚଳର

ତିରସ୍କାର ହୁଏ ଏ ନିରନ୍ତର ।

ଇସ୍ପାତ କାରଖାନା ଟି ଭୂମିରେ

ସମ୍ପନ୍ନ ଯେ ଭୂମି ସବୁ କ୍ଷେତ୍ରରେ

ନାହିଁ ଏଠି ଶିକ୍ଷା ମାତୃଭାଷାରେ

କରେ ରୋଦନ ଓଡ଼ିଆ କାତରେ 

କିଏ ଶୁଣିବରେ

ଆଦରି ଭାଗ୍ୟ ଓଡ଼ିଆ ରୁହେରେ ।

ଅମୃତର କାଳ  ପରା ଆସିଛି 

ନୂଆଶିକ୍ଷାନୀତି ରାଷ୍ଟେ ହୋଇଛି 

ଶିକ୍ଷା ମାତୃଭାଷା ମୂଳ ହୋଇଛି

କାହିଁ ଭାଷା ଶିକ୍ଷା ଏଠି ମିଳୁଛି 

ଯନ୍ତ୍ରଣା ଦେଉଛି 

କୀର୍ତ୍ତି ଭାରତର ବିଶ୍ବେ ଗୁଞ୍ଜୁଛି ।

ଖଣିଜେ ଭରିଛି ଭୂମି ଆମର

ଥିଲା ଏ ଦିନେ ଭୂମି ଓଡ଼ିଶାର 

ଥିଲା ଶାସନ ଓଡ଼ିଆ ଜାତିର 

ଭାଷାଶିକ୍ଷାଶୂନ୍ୟ ଭୂମି ଏଠାର

ଚିନ୍ତିତ ଅପାର

ନ ଶୁଣନ୍ତି ହେ କେଉଁ ସରକାର ।

ଅଧିକାର ଆମ ଭାଷାର ଶିକ୍ଷା

କାହିଁକି ନାହିଁ ମାତୃଭାଷା ଶିକ୍ଷା

ଜରୁରୀ ସନ୍ତାନେ ଜନନୀ ଶିକ୍ଷା

କିପରି ଓଡ଼ିଆ ପାରିବେ ଶିକ୍ଷା

ମାତୃଭାଷା ଶିକ୍ଷା 

ନୂଆଶିକ୍ଷା ନୀତି ପାଇଁରେ ଶିକ୍ଷା ।

ମାତୃଭାଷା ଶିକ୍ଷା ମିଳୁ ଆମକୁ 

କରୁ ବିନତୀ ଓଡ଼ିଶା ରାଜ୍ୟକୁ

ଭରସା କରୁଛୁ ଶିକ୍ଷା ମନ୍ତ୍ରୀକୁ

ଅଛି  ବିଶ୍ବାସ  ପ୍ରଧାନମନ୍ତ୍ରୀକୁ

ବିଶ୍ବାସ ନିଜକୁ 

ଜନନୀ ଭାଷା ମିଳୁ ସନ୍ତାନକୁ ।