ସୀତା ବିବାହ
ସୀତା ବିବାହ
ଜନକ ରାଜାଙ୍କ ଅଲିଅଳି କନ୍ୟା
ଜାନକୀ ଦିବ୍ୟ ସୁନ୍ଦରୀ
ଜାନକୀଙ୍କ ପାଇଁ ଜନକ ରାଜା ଯେ
ସ୍ବଂୟମ୍ବର ଥିଲେ କରି ।
ମନରେ ତାଙ୍କର ଅନେକ ଭାବନା
ଖେଳୁ ଥିଲା ଉଙ୍କିମାରି
ସତେ ରାଜ ପୁତ୍ର ବିବାହ କରିବେ
ଶିବଧନୁ ଭଗ୍ନ କରି ।
ଯେଉଁ ଶିବଧନୁ ବାମ ହାତେ ସୀତା
ଉଠାଇଲେ କରେ ଧରି
ଯେଉଁ ରାଜପୁତ୍ର ଗୁଣ ଚଢେଇବ
ସୀତା ତାଙ୍କୁ ନେବେ ବରି ।
ଏମିତି ସର୍ତ୍ତକୁ ରଖିଣ ଜନକ
ରାଜ୍ୟେ ଡେଙ୍ଗୁରାକୁ କରି
ଆନନ୍ଦ ଉଲ୍ଲାସେ ସର୍ବେ ପ୍ରବେଶିଲେ
ଖୁସିରେ ନେଲେ ସେ ବରି ।
ରାଜା ମହାରାଜା ଟଳି ପଡିଗଲେ
ଧନୁ ଉଠାଇ ନ ପାରି
କିଏ ଖଣ୍ଡ ଦୂରେ ଛିଟିକି ପଡିଲେ
ସର୍ତ୍ତରେ ଗଲେ ସେ ହାରି ।
ଦୁଃଖୀତ ହୋଇଲେ ବୈଦେହ ନରେଶ
ବସିଲେ ମନକୁ ମାରି
ନିଜକୁ ଧିକାର କରିଲେ ବହୁତ
ନିକ୍ଷତ୍ରୀ ଦେଲେ ଉଚାରି ।
ଶୁଣି ସଉମିତ୍ରୀ କୋପଭର ହେଲେ
ବିଶ୍ବାମିତ୍ର ଦେଲେ ଠାରି
ଶିବଧନୁ ଭଗ୍ନ କରିବେ ଶ୍ରୀରାମ
ମନୁ ଭୟ ଦିଅ ହରି ।
ଶୁଣିଣ ଜନକ ହେଲେ ସ୍ମିତ ହସ
ଉଠିଲେ କୋଦଣ୍ଡଧାରୀ
ଗୁରୁଙ୍କୁ ପ୍ରଣାମ କରି ରାମଚନ୍ଦ୍ର
ଧନୁରେ ଗୁଣ ଓଟାରି ।
ଶିବଧନୁ ଭାଙ୍ଗି ଗଲା ଯେତେବେଳେ
କମ୍ପିଗଲା ବସୁନ୍ଧରୀ
ଆକାଶ ମାର୍ଗରୁ ଥାଇ ଦେବତାଏ
ପୁଷ୍ପ ବୃଷ୍ଟି ଥିଲେ କରି ।
ବୈଦେହୀ ମନରେ ବିରସ ଭାବନା
ଯାଇଥିଲା ଅପସରି
ବିଧି ବିଧାନରେ ନୀତି ନିୟମରେ
ରାମଙ୍କୁ ଥିଲେ ସେ ବରି ।
ବିବାହ କରିଲେ ରଘୁ କୁଳ ପତି
ହସେ ମିଥିଳା ନଗରୀ
ପୁତ୍ର ବଧୂ ସାଥେ ରାଜା ଦଶରଥ
ଅଯୋଧ୍ୟା ଆସିଲେ ଫେରି ।
ବାଟେ ପର୍ଶୁରାମ ଦର୍ପ ପ୍ରଭୁ ରାମ
ଦେଇଥିଲେ ଖର୍ବ କରି
ମହା ଆଡମ୍ବରେ ଅଯୋଧ୍ୟା ଫେରିଲେ
ସୀତାଙ୍କୁ ବିବାହ କରି ।।