ଶ୍ରଦ୍ଧାଞ୍ଜଳି

ସବୁ ମାୟାମୋହ ବନ୍ଧନକୁ କାଟି

          ଚାଲିଗଲୁ ବଡ଼ଭାଇ 

ତୋ ସ୍ନେହ ମମତା ସହଯୋଗ ତୋର

          ପାସୋରି ପାରୁନି ମୁହିଁ ।

ସବୁ କାମେ ତୁହି ହୋଇ ଆଗଭର

       କରିଥିଲୁ ସମ୍ପାଦନ 

ତୋର କର୍ମ ସବୁ ମନେ ପକାଉଛି

      ଅନ୍ତର କରେ ରୋଦନ ।

କୃଷ୍ଣ ପାଦେ ସଦା ଥିଲା ତୋର ମନ

      

Advertisement

ନାମ ସଙ୍କୀର୍ତ୍ତନେ ଭକ୍ତି 

ସେଇଥିପାଇଁ କି ପ୍ରଭୁ ଚରଣରେ 

      ହେଲା ତୋର ଆଜି ମୁକ୍ତି ।

ଏ ଅଞ୍ଚଳ ସାରା ଯୋଡ଼ି ହୋଇଥିଲୁ

     ଝୁରୁଛନ୍ତି ତତେ ଲୋକ 

ଯାହା ଅର୍ଜିଗଲୁ ମନୁଷ୍ୟ ଜୀବନେ

     ହୋଇ ତ ଗଲା ସାର୍ଥକ ।

ମାଗୋ ଘଣ୍ଟେଶ୍ୱରି ଚରଣେ ତୋହର

     ହେଉ ତାର ସଦଗତି 

ଦେଇ ଶ୍ରଦ୍ଧାଞ୍ଜଳି ଅନ୍ତରୁ ମୁଁ ଆଜି

     ତୋ ପାଦେ କରେ ବିନତି ।