ସହଜ ଉପାୟ ସିଖିନିଅ

କବିତା - ସହଜ ଉପାୟ ଶିଖିନିଅ
 ରଚନା - ପଞ୍ଚାନନ ଜେନା
ତାରିଖ -୦୯-୭-୨୦୨୬
+++++++++-++++++++++
 ହସିବାର ସହଜ ଉପାୟ ଖୋଜିନିଅ
କାରଣ
 ଏ ଅଢ଼େଇ ଦିନର ଚଢ଼େଇ ଜୀବନ
 ମୌକା ଖୋଜୁଛି କନ୍ଦେଇ ବାକୁ
ବୋଝ ଉପରେ ନଳିତା ବିଡା ଲଦିବାକୁ-୧-

 ବାଣ୍ଟିବାର ସହଜ ଉପାୟ ବାଛିନିଅ
କାରଣ
ଏ ବ୍ୟସ୍ତ ବହୁଳ ବାଙ୍ଗ୍ମୟ ଜୀବନ
ମୌକା ଖୋଜୁଛି ହସେଇବାକୁ
ମୁଣ୍ଡରେ ତୁଣ୍ଡରେ ବରଫ ମିଶା ମହୁ ଶୋଷିବାକୁ-୨-

 କାଟିବାର ସହଜ ଉପାୟ ଖୋଜିନିଅ
କାରଣ
ଏ ଚର୍ବିତ ଚର୍ବଣ ଚକୁଳି ଜୀବନ
 ମୌକା ଖୋଜୁଛି ସଫଳ ହେବାକୁ
ସମୟ ସୁବିଧା ଦେଖି ସମାଧାନ ସୂତ୍ର ବତେଇବାକୁ-୩+

 କାନ୍ଧେଇବାର ସହଜ ଉପାୟ ସିଖିନିଅ
କାରଣ
ଏ ସମସ୍ୟା ବହୁଳ ସାର୍ଥକ ଜୀବନ
ମୌକା ଖୋଜୁଛି ଚୌକା ମାରିବାକୁ
 ମୁଣ୍ଡ ଝାଳ ତୁଣ୍ଡରେ ମାରି ପଘା ଦେଇଛି ମନ ମସ୍ତିସ୍କକୁ -୪-

 ମୁଣ୍ଡେଇବାର ସହଜ ଉପାୟ ଜାଣିନିଅ
କାରଣ
 ଏ ଜଞ୍ଜାଳମୟ ବଳକା ଜୀବନ
ମୌକା ଖୋଜୁଛି ଚେଙ୍କେ ଦେବାକୁ
ବିଦ୍ୟା ବୁଦ୍ଧି ଆଗରେ ହୃଦୟବତ୍ତା ସାଜିବାକୁ-୫-

 କୁଣ୍ଢେଇବାର ସହଜ ଉପାୟ ସିଖିନିଅ
କାରଣ ଏ ପାଣି ଫୋଟକା ପରି ଛାର ଜୀବନ
 ମୌକା ଖୋଜୁଛି ଛକା ମାରିବାକୁ
ଅନିଶ୍ଚିତତା ମଧ୍ୟରେ ନିଶ୍ଚିତତାର ମନ୍ତ୍ର ଲେଖିବାକୁ-୬

 ବୁଣେଇବାର ସହଜ ଉପାୟ ଭାବିନିଅ
କାରଣ
ଏ ନିୟତି ନିକିତିରେ ତଉଳା ଜୀବନ
ମୌକା ଖୋଜୁଛି ସମାଧାନ କରିବାକୁ
ସମୟ ଚକରେ ଚକାଭଉଁରୀ ଖେଳିବାକୁ-୭-

 ବ୍ୟାୟାମ କରିବାର ସହଜ ଉପାୟ ସିଖିନିଅ
କାରଣ
ଏ ମର ଦୁନିଆର ନଶ୍ବର ଜୀବନ
ମୌକା ଖୋଜୁଛି ଯୁଦ୍ଧରେ ହରେଇବାକୁ
କ୍ଷଣ କ୍ଷଣକେ ଆନ ଉତ୍ଥାନ ପତ୍ତନ ମାପିବାକୁ-୮+

 ତଉଳିବାର ସହଜ ଉପାୟ ସିଖିନିଅ
କାରଣ
ଏ ପଦ୍ମପତ୍ରରେ ଢ଼ଳଢ଼ଳ ଜୀବନ
 ମୌକା ଖୋଜୁଛି ହିଂସ୍ର ହେବାକୁ
ସଂପର୍କ ସମ୍ପନ୍ଧ ବାନ୍ଧୁ ବାନ୍ଧୁ କଲ୍ୟାଣ କରିବାକୁ-୯+

 କାଖେଇବା ସହଜ ଉପାୟ ସିଖିନିଅ
କାରଣ
ଏ ସମ୍ପର୍କ ଡୋରୀରେ ବନ୍ଧା ଜୀବନ
 ମୌକା ଖୋଜୁଛି ସକ୍ରୀୟ ହେବାକୁ
ଅନ୍ୟର ଆଶା ପୂରଣ କରୁ କରୁ ନିଜ ଆଡକୁ-୧୦-

 ତେଲିବାର ସହଜ ଉପାୟ ସିଖିନିଅ
କାରଣ
ଏ ସତ୍ୟ ସହରରେ ଅସତ୍ୟ ଜୀବଳ
ମୌକା ଖୋଜୁଛି ସକ୍ରୀୟ ହେବାକୁ
ତେଲ ଲୁଣର ଜଞ୍ଜାଳ ଭିତରେ ମୁକ୍ତି ପାଇବାକୁ-୧୧+

 ରଙ୍ଗେଇବାର ସହଜ ଉପାୟ ସିଖିନିଅ
କାରଣ
ଏ ତର୍ପଣ ଅର୍ପଣ ସମର୍ପଣ ଜୀବନ
 ମୌକା ଖୋଜୁଛି ସବାର ହେବାକୁ
ତ୍ୟାଗ ତୀତିକ୍ଷାର ପଥରବନ୍ଧରେ ଦୟାମାୟାକୁ-୧୨-

 ଲଗେଇବାର ସହଜ ଉପାୟ ସିଖିନିଅ
କାରଣ
ଏ ବୈଶିକରଣ ଯୁଗରେ ଗାଉଁଲି ଜୀବନ
ମୌକା ଖୋଜୁଛି ସ୍ବପ୍ନ ଦେଖେଇବାକୁ
ମୁଖ୍ୟପୁସ୍ତିକାରେ ବନ୍ଧୁ ବାନ୍ଧବ ଖୋଜିବାକୁ-୧୩-

 କରିବାର ସହଜ ଉପାୟ ସିଖିନିଅ
କାରଣ
ଏ କରଣୀୟ ଜଗତରେ ଅଭିନୟ ଜୀବନ
ମୌକା ଖୋଜୁଛି ଖଜା ଚଖେଇବାକୁ
ନୀଳବର୍ଣ୍ଣ ଶୃଗାଳ ପରି ନିମିତ୍ତ ହଟେଇବାକୁ-୧୪-

 ସହିବାର ସହଜ ଉପାୟ ସିଖିନିଅ
କାରଣ
ଏ ମୁଁ ତୁମେ ଓ ସେ ମଧ୍ୟରେ ସେତୁ ଜୀବନ
ମୌକା ଖୋଜୁଛି ସତ୍ୟ ସନ୍ଧାନିବାକୁ
ସନ୍ତୁଷ୍ଟ କରୁ କରୁ ସ୍ୱାର୍ଥ ମେଧରେ ସମାଧି ନେବାକୁ-୧୫+

 ପୁରେଇବାର ସହଜ ଉପାୟ ସିଖିନିଅ
କାରଣ
ଏ ପ୍ରେମ ଅପ୍ରେମରେ ଲାନ୍ଛିତ ଜୀବନ
 ମୌକା ଖୋଜୁଛି ଅଣ୍ଟା ଭିଡିବାକୁ
ସ୍ନେହ ସରଧା ବାଣ୍ଟୁ ବାଣ୍ଟୁ କଣ୍ଟା ଫୋଡିବାକୁ -୧୬-

 ଲିଭେଇବାର ସହଜ ଉପାୟ ସିଖିନିଅ
କାରଣ ଏ ବର୍ଷଣମୁଖର ଶ୍ରାବଣ ଜୀବନ
 ମୌକା ଖୋଜୁଛି ବେକ ମୋଡିବାକୁ
କେବେ ରୌଦ୍ର ସନ୍ୟାସୀର ଜଳାର୍ଣଵ ରୂପ ଦେଖିବାକୁ-୧୭-

 କାନ୍ଦିବାର ସହଜ ଉପାୟ ସିଖିନିଅ
କାରଣ ଏ ସ୍ଵାର୍ଥ ସର୍ବସ୍ଵ ସ୍ୱାଧିନ ଜୀବନ
ମୌକା ଖୋଜୁଛି ସମାଧି ନେବାକୁ
ଛତ୍ରେ ଛତ୍ରେ ଖୋଜେ ବନ୍ଧନହୀନ ଅଧିକାରକୁ-୧୮+