ଶିଖି ଗଲିଣି

ଭଲ ପାଇବା ଶିଖି ଗଲିଣି 

ଭଲ ପାଇଲିଣି ଗରମକୁ 

ଗରମରୁ ବାହାରୁଥିବା ଝାଳକୁ 

ଝଲରୁ ଜନ୍ମ ନେଉଥିବା

ଥଣ୍ଡା ପାଇବାର ଆଶାକୁ 

ଭଲ ପାଇବା ଶିଖି ଗଲିଣି ।

ଭଲ ପାଇବା ଶିଖି ଗଲିଣି 

ବିଛିର୍ନ୍ନତାକୁ ଏବଂ ନୀରବତାକୁ 

ଆଉ ସେଥିରୁ ଜନ୍ମୁଥିବା 

ବିଦ୍ରୋହର ଶୀତଲତାକୁ 

ଆଉ, ସେଇ ଶୀତଲତାରୁ 

ଜନ୍ମ ନେଉଥିବା 

ଶାନ୍ତିର ପରିଭାଷାକୁ ।

ଭଲ ପାଇବା ଶିଖି ଗଲିଣି, ଘୃଣାକୁ 

ଘୃଣାରୁ ଜନ୍ମ ନେଉଥିବା 

ସଂସାର ତ୍ୟାଗ ପଣ କୁ 

ମିଛ ସମ୍ପର୍କ ଠୁ ,ଦୂରରେ ରହି 

ସତ୍ୟର ଅନୁସନ୍ଧାନ କରିବାକୁ 

ସତରେ ଭଲ ପାଇବା ଶିଖି ଗଲିଣି ।