ତୁ ଆଉ ମୁଁ

ଆଜିର ଦେଖାରେ 

ତୁ ଆଉ ସେ ତୁ ନଥିଲୁ 

ନା, ମୁଁ ଆଉ ସେ ମୁଁ ହେଇକି ଥିଲି 

ନା, ଆମେ ସେ ଆମେ ହେଇକି ଅଛେ 

ଖାଲି ଜାହା, ତୁ ମୁଁ ଆଉ ତମେ । 

କେତେ କିଛି ବଦଳି ଗଲାଣି 

ଏବେ ତୋ ହାତ ଧରିବା ପୂର୍ବରୁ 

ଭାବିବାକୁ ପଡୁଛି 

ଦିନ ଥିଲା ,ତୋ ହାତରେ ମୋ ନାମ ,

ଲେଖା ହେଇଥିଲା । 

ସମୟ ସହ କେତେ କିଛି ପରିବର୍ତ୍ତନ 

ଜିଇଁବା ମିସି ଆଉ ମାରିବା ମିସି 

ଶପଥ ନେଇଥିବା ମଣିଷ 

ଆଜି ବଞ୍ଚୁଛେ ପୃଥକ ପୃଥକ ଜୀବନ । 

ନ ଭାବିଥିବା ଘଟଣା 

ପାଲଟି ଯାଇଛି ଆଜିର ସତ୍ୟତା 

ଯାହା ସତ ଭାବି, ଖୁସି ହେଇଥିଲେ 

ତାର ଆଜି ହଜି ଯାଇଛି ସତ୍ତା । 

ସତରେ ଭାବନା କଷ୍ଟ ଦାୟକ 

ଆଶା ଏକ ମରୀଚିକା 

ଜାଣିବା ସତ୍ତ୍ୱେ, ଆମେ ଦେଖୁଥାଉ ସ୍ବପ୍ନ 

କାରଣ, ତାହା ହିଁ , ବଞ୍ଚି ରହିବାର ,

ଏକ ମାତ୍ର ସାଧନ ।