ମୋର କିଛି କହିବାର ଅଛି

ତୋତେ ମୋର କିଛି କହିବାର ଅଛି 

ଆଜି ବି ତୋତେ  ମୁଁ ଭଲ ପାଉଛି 

ହେଲେ ପ୍ରକାଶ କରିବା ଭୁଲି ଯାଇଛି 

ଆଜି ବି ତୋ ଉପରେ ରାଗ ଆସେ 

କିନ୍ତୁ ରାଗକୁ ପିଇଯିବା ମୁଁ ଶିଖି ଯାଇଛି 

ତୋ ସହ କଥା ହେବାପାଇଁ ଏବେ ବି ଇଚ୍ଛା ହୁଏ 

ମାତ୍ର ଇଚ୍ଛାକୁ ମାରିବାର କଳା ମୁଁ ଶିଖି ଯାଇଛି 

ଆଜି ବି ତୋର ଚିନ୍ତା ମୋତେ ହୁଏ 

ମାତ୍ର ଅଚିନ୍ତା ହେବାର ଶୈଳୀ ମୁଁ ଶିଖି ସାରିଛି 

ମନେ ପଡିଲେ ତୋ କଥା ଆଜି ବି ହୁଏ ଭାରି କଷ୍ଟ 

ମାତ୍ର କଷ୍ଟକୁ ଲୁଚାଇ ମିଛ ହସରେ ବଞ୍ଚିବା ମୁଁ ଶିଖି ଯାଇଛି ।