ଶୀତ

ଦୁଇମୁଠା ଅନ୍ଧାରରେ ଶୀତ

ଆଞ୍ଜୁଳାଏ ଆଲୁଅରେ ଶୀତ

ଶୀତ ଅସରନ୍ତି ପସରା ନେଇ

ଆସେ ଯେବେ ଅମୃତ ନେଇ

ଢାଳେ ଧାରଣୀରେ ଗୀତ ଗାଇ

ଧାନ କିଆରୀରେ ସୁଲୁସୁଲୁ ବାଆ

ଢେଉ ଖେଳେ ସମୁଦ୍ର ହୁଏ ଜୁଆରିଆ

ମୋନାଲିସା ହସ ଏତେ ମାଦକତା

କଲମ ଚାଷରେ ମନ ସରସତା

ଯୋଗ ଯାଗ ଖେଳ କୁଦ ନେଇ

ଶୀତ ଆସେ କାର୍ତ୍ତିକରୁ ଘରଭଡା ନେଇ

ଗଛରେ ପତ୍ର ଓ ଫୁଲରେ ଶିଶିର ଭିଜାଇ

ଦୁବ ଘାସ ଲାଗେ ବରଫ ଦେଶ ସରି

ଉଷୁମ ବସ୍ତ୍ର ଖୋଜି ଦିନ ଯିବ ସରି

ଶୀତ ତୁ ରହିଯାଆ ବର୍ଷ ଯାଉ ଥିରି ଥରି

ଓଡିଶା ଅତିଥି ଦେବୋ ଭବ ଭାବେ

ଦେଖୁନୁ ଦୀପାବଳୀ କାର୍ତ୍ତିକ ପୁନେଇଁ

ପୁଣି ମାର୍ଗାଶିର ଗୁରୁବାର ଅଷ୍ଟମୀ ମନାଇଁ

ପୂଜା ଵିଧି ବିଧାନ ସବୁ ତୋ ପାଇଁ

ଧୂନି ପୁଇଁ ପୁଇଁ ଆସେ ଅମା ଓ ପୁନେଇଁ

ଖିଆ ଶୁଆ ଜମେଇ କବି ଚୋରାଏ ଶବ୍ଦ

ତୋ ନାମରେ କବିତାଟେ ଥିବ ବିତୁ ଅବ୍ଦ

ଶୀତ ଋଷି ଗଲେ ରୋଗ ଆସିବ ଧାଇଁ

ବର୍ଷ ସାରା ନହେଲେ ବି ଚାରିମାସ ନେଇ

ରାଗ ପରି ବାଘ ସରି ତୁ ଗୀତ ଗାଇ ଗାଇ

କହିଦେଇ ଯା ଭାଇଚାରା ପାଇଁ

ତୋ ଦେହରେ ନାଚ ମେଳା ମଉଛବ ଥାଇ

ତୋ ଉଷୁମ ପରସ ଜମା ଭୁଲି ହୁଏ ନାହିଁ