ଅସ୍ମିତା

ଅସ୍ମିତା ଅଟେ ଜାତୀୟତା

କିଛି ମାତ୍ରାରେ ପରିଚୟ 

ଅସ୍ମିତା ଜାତି ଇତିହାସ ଲୟ 

ଯୁଗପୁରୁଷଙ୍କ କର୍ମ ଗୌରବମୟ 

ଜଗନ୍ନାଥ ଯେଉଁଠି ରକ୍ଷାକର୍ତ୍ତା 

ସାହିତ୍ୟ ସଂସ୍କୃତି ବେଶ ପୋଷାକ 

ସବୁରି ଭିତରେ ଶାଳୀନତା 

କଥାରେ ଆଚାରେ ବ୍ୟବହାରେ 

ପରିପକ୍ଵତାର ମହନୀୟତା 

ଏଯାଏଁ ଜଗନ୍ନାଥ ବିସ୍ମୟ ଦେବତା 

ଲୀଳା ଖେଳାର ମହାନତା 

ଓଡ଼ିଆର ସେହି ଅସ୍ମିତା 

ବୁଝିହୁଏ ପୁଣି ହୁଏନାହିଁ ଯେଉଁ ବାଗ୍ମୀତା 

ନାହିଁ ଅହଂ ଅସହିଷ୍ଣୁତା 

ଓଡ଼ିଆ ପାଇକ ଗୌରବଗାଥା 

ବ୍ରତ ଉପାସନା ରଥଯାତ୍ରା 

ନାରୀ ପାଳେ ଧର୍ମ ପତିବ୍ରତା 

ପୁରୁଷର ଧର୍ଯ୍ୟ ସାହାସ ମୌଳିକତା 

ଦାସକାଠିଆ ପାଲା ଘୋଡାନାଚ ସଂହିତା 

ମାଟି ମଟାଳ କହେ କଥା ଗାଥା 

ଓଡ଼ିଆ ପୁଅର ଅସ୍ମିତା 

ନୌବାଣିଜ୍ୟ ତଅପୋଇ କଥା 

ବଳାରାମ ଦାସ ଲେଖି ଲଷ୍ମୀପୁରାଣ ଗାଥା 

କୃଷକ ସୈନିକ ପାଇକ ମାଟିର ବୀରବାର୍ତ୍ତା 

ମର୍ଯ୍ୟାଦା ଆସନେ ଅତିଥି ଭୋଜନେ 

ରତ୍ନ ସିଂହାସନେ କାଞ୍ଚି ଅଭିଯାନେ 

ମାଣିକ ଗଉଡ଼ୁଣୀ ଆଖି ଦେଖା କଥା 

ଏହାଠୁ ବଳି କୋଉ ପରିଚୟ କୁହ 

ଓଡିଶାରେ ପରା ଚକାଆଖି ଦାରୁ ଦେବତା 

ବାରମାସେ ଯାର ତେର ଯାତ୍ରା 

ମଣିଷପଣିଆ ଭିତରେ ରଖିବାକୁ ଏକାଗ୍ରତା 

ଠାକୁର କହନ୍ତି ଭକ୍ତ ମୋହର ମୁଁ ତାହାର 

ସାଲବେଗ ଅବା ବନ୍ଧୁମହାନ୍ତି ଅବା ଦାସିଆ 

 ଭକ୍ତି ଭାବରେ ଭିଡି ଭାବ ଫିତା 

ଉତ୍କଳ ଗୌରବ ଆଦି ସଭିଏଁ ଏ ମାଟିର

 ପରିଚୟ ଦାନ ଧର୍ମ ପୁଣ୍ୟ ଅସ୍ମିତା ।