ଶୀତ ସକାଳ

ମଗୁଶୁର ସକାଳେ

ଶୀତ ଅଗଣାରେ ଖେଳେ

ଦୁଆର ବନ୍ଧର ଝୋଟିରେ

ତୁଳସୀ ଚଉରା ମୂଳେ ।

କୁହୁଡିର ଚାଦର ଉହାଡୁ

ମୁରୁକି ହସଇ ସୂର୍ଯ୍ୟ

ରେଜେଇ ଘୋଡେଇ

ଉଷୁମ ଟାଣଇ 

ବିଳମ୍ବିତ ହୁଏ ନିତ୍ୟ କାର୍ଯ୍ୟ ।

ଟାଣିଟୁଣି ହୋଇ

ଶେଯ ଛାଡୁଥାଇ

ମୁଖ ପ୍ରକ୍ଷାଳନ ପାଇଁ

ଯେମିତି ପାଣିକୁ ଛୁଅଁଇ

ଚମକି ପଡଇ

ପାଣି ମତେ ଛୁଅଁନା କୁହଇ ।

ଓଠ ଥରଥର

ଦାନ୍ତରେ ଦାନ୍ତ ବାଜେ

ତଥାପି ବୋଉ ଟାଣେ

ଲକ୍ଷ୍ମୀ ଠାକୁରାଣୀ ବିଜେ

ଆଉ କର ନାହିଁ ଡେରି

ଶୀତର ଲହରୀ

ଏମିତି ଚାଲିବ

ଏମିତି ସକାଳ

ପ୍ରତ୍ୟହ ଆସିବ ।