ଶୀତ ଆସିଛି

ଶୀତ ଆସିଛିରେ କାକରହକଳା ଘାସ ଗାଲିଚାର ଉପରେ,

ଶୀତ ଆସିଛିରେ ଜୋଛନାପଖଳା ସୋରିଷ ଫୁଲିଆ କ୍ଷେତରେ ।

ଶୀତ ଆସିଛିରେ ଗେଣ୍ଡୁ, ସେବତିରେ ନିଜର ଦେହକୁ ସଜେଇ,

ଶୀତ ଆସିଛିରେ ବାହାତିଥି ନେଇ ଖୁସିର ବିଗୁଲ୍ ବଜେଇ ।

ଶୀତ ଆସିଛିରେ କୃଷକ ଖଳାକୁ ଲକ୍ଷ୍ମୀ ଠାକୁରାଣୀ ରୂପରେ,

ଶୀତ ଆସିଛିରେ ଘରେ ଘରେ ଆଜି ଶ୍ରୀୟା ଚଣ୍ଡାଳୁଣୀ ବେଶରେ ।

ଶୀତ ଆସିଛିରେ ପରିବା ବଜାରେ କୋବି, ଟମାଟୋ ଓ ଗାଜରେ,

ଶୀତ ଆସିଛିରେ ମେଥିଶାଗ,ମୂଳା, ଧନିଆ ପତ୍ରର ମଜାରେ ।

ଶୀତ ଆସିଛିରେ ସକାଳୁ ସକାଳୁ ଗାଁ ଦାଣ୍ଡ ଧୁନି ନିଆଁରେ,

ଶୀତ ଆସିଛିରେ ସାଙ୍ଗ ସାଥି ମେଳେ କଅଁଳିଆ ଖରାପୁଆଁରେ ।

ଶୀତ ଆସିଛିରେ ପୋଷାକ ବଜାରେ ଧରି ନାନା ରଙ୍ଗ ପୋଷାକ,

ସାଲ୍, ସୁଏଟର,କମ୍ବଳ,ଚଦର ଭାଉ ଏବେ ଭାରି ଅଧିକ ।

କେତେ ମିଠା ମିଠା ପରବକୁ ନେଇ ଆସିଅଛି ଏଇ ଋତୁରେ,

ପ୍ରଥମାଅଷ୍ଟମୀ, ମାଣବସା,ଧନୁ,ମକରକୁ ଧରି ସାଥୀରେ ।

ଧନୀଠୁ ଗରିବ ସଭିଙ୍କ ପାଇଁ କି ଖୁସି ଦିଏ ଶୀତ ଅନେକ,

ଶୀତ ଚାଲିଯିବ ମନେ ରହିଥିବ ଏ ଋତୁର ମଜା ଯେତେକ ।