ଗାନ୍ଧୀ

ଆଜି ପଞ୍ଚସ୍ତରୀ ବର୍ଷ ପରେ,

ଗାନ୍ଧୀ ହେ ତୁମେ ଫେରିଆସ ଯଦି ଭାରତ ଭୁଇଁକୁ ଥରେ ।

ନିଶ୍ଚୟ ତୁମେ ହୋଇବ ଚକିତ,

ଭାବିବ ବୋଧେ ଏ ନୁହଁଇ ଭାରତ,

ଭୁଲରେ ବୋଧେ ପହଞ୍ଚିଲ ଆସି

ଆଉ କେଉଁ ଦେଶ ପରେ ।

ଆଜି   

କରୁଥିଲ ତୁମେ ନିଶା ନିବାରଣ,

ନିଶାବିକା ଏବେ ପାଆନ୍ତି ଇନାମ

ଯିଏଯେତେ ନିଶା ବିକ୍ରିକରିଲା ଖାତର ତାହାର ବେଶୀ,

କେମିତି ଚାଲିଛି ଦେଖିଯାଅ ତୁମ ନିଶା ନିବାରଣ ନୀତି ।

ଦେଖି ଏ ଦେଶର ନବସଭ୍ୟ ରୂପ,

ହେବନାହିଁ ଗାନ୍ଧୀତୁମେତ ଚକିତ,

ସେତେବେଳେ ସିନା ପିନ୍ଧୁଥିଲ

ତୁମେ ଆଣ୍ଠୁ ନଲୁଚାଧୋତି,

ଝିଅମାନେ ଏବେ ଆପଣେଇଛନ୍ତି

ଗାନ୍ଧୀତୁମ ସେ ନୀତି ।

ଦେଇଥିଲ ତୁମେ ଅହିଁସାର ମନ୍ତ୍ର,

ଦେଖ ଆଜି ତାହା କେତେ ହନ୍ତସନ୍ତ,

ଦିନ ଦ୍ୱିପହରେ ହତ୍ୟାରାହାଜାନି

ଚାଲିଅଛି ଏଠି ନିତି,

ଅହିଁସାମନ୍ତ୍ର କିପରି ଚାଲିଛି ଦେଖିଯାଅ ଥରେ ଆସି

ଯିବଯଦି ଟକେ ବିଧାନ ସଭାକୁ,

ଦେଖିବ ସେଠାରେ ନେତା ଓ ନେତ୍ରୀଙ୍କୁ,

କଳାକାରାନାମା ଦେଖିଲେ

ସେଠାରେ ମୁଣ୍ଡ ତୁମ ଯିବ ଘୁରି,

ଦେଶସେବା କିଂବା ନିଜସେବା 

ତୁମେ ପାରିବନି ଠିକ୍ କରି ।

କହିଥିଲ ଦିନେ ଝିଅଟିଏ ଯଦି,

ରାତିରେ ଘରକୁ ଫେରଇ ଏକାକୀ,

ସ୍ୱାଧୀନତା ଆମ ସଫଳ ହୋଇଛି

ଜାଣିବା ଏକଥା ବାରେ,

ଗାନ୍ଧୀହେ ତୁମେ ଦେଖିଯାଅ

ତୁମ ରାମ ରାଜ୍ୟକୁ ଥରେ ।

ଆଜି ତୁମେ ଟିକେ ଭଲକରି ଦେଖ,

କାହାପାଖେ ଆଜି ନାହିଁତ ବିବେକ,

ଛୋଟଶିଶୁ ମଧ୍ୟ ଦୁଷ୍କର୍ମ ଶିକାର

ହେଉଅଛି ଏଠି ଆଜି,

ଗାନ୍ଧୀ ହେ ତୁମେ ଦେଖିଲେ

ଏ ସବୁ ଦୁଃଖେ ପଡିବ ଭାଜି ।

ଆସନାହିଁ ତୁମେ ଆସନାହିଁ,

ଗାନ୍ଧୀଯୁଗର ଅବସାନ ଏଠି ଗାନ୍ଧି ନୀତିରସ୍ଥାନନାହିଁ ।