ହେ ଶ୍ରାବଣ ତୁମେ ଫେରିଯାଅ !

ହେ ଶ୍ରାବଣ ତୁମେ ଫେରି ଯା

ଫରିଯାଅ ତୁମେ ଶାବଣ କନ୍ୟା ଗୋ

ଆଉ ଆସ ନାହିଁ ଆସ ନାହିଁ

ତୁମରି ଛୁଆଁରେ ଲାଗୁଛି ନିଆଁ ଗୋ

ବରଷାର ଚିହ୍ନ ବର୍ଣ୍ଣ ନାହିଁ ।

ବାଦଲ ଭାବୁଛି ମେଘର କୋଳରେ

ମୁହଁ ଲୁଚାଇଛି ଜହ୍ନ ତାରା

ସାଗର ଡାକୁଛି ହାତ ଠାରି ଖାଲି

ଚୋରାବାଲି ଯାର ଦେହ ସାରା |

କେଡେ ସରଧାରେ ଆସି ଖେଳୁଥିଲ

ହସୁଥିଲ ମୋର ଅଗଣାରେ

ଆଜି କାହିଁ ତୁମେ ବଦଳି ଗଲ ଗୋ

ମୁହଁ ଫେରେଇଲ ଅଜଣାରେ ।

ମୌସୁମୀ ନଆଁରେ ତୁମେ ମୋର ହେଲ

କେତେ ଗପ କେତେ କଥା ହେଲେ

ବିକ୍ଷିପ୍ତ ବିଲୁପ୍ତ ତୁମେ ଆଜି କିଆଁ

ଥରେ ମୁହଁ ଖୋଲି କୁହ ହେଲେ ।

ତୁମକୁ ଡାକିଲି ତୁମେ ଧରା ଦେଲ

ସାଥ୍‌ହେଲ ମୋର ବନ୍ଧୁ ହେଲ

ଠିକଣା ସମୟେ ଫାଙ୍କି ଦେଇ ତୁମେ

କାହିଁ କେଉଁ ଆଡେ ଚାଲିଗଲ ।