ମାନବିକତା

ଶ୍ରେଷ୍ଠ ଜୀବ ବୋଲି 

  ମଣିଷ ବୋଲାଏ 

    ଦମ୍ଭେ ବିଶ୍ୱ ଦରବାରେ, 

ମନୁଷତ୍ୱ ଗୁଣେ 

  ସତେକି ଉତ୍କୃଷ୍ଟ 

    ବଳିଷ୍ଠ ବିଚାର ଧାରେ l

ସ୍ୱାର୍ଥ ମେଧ ଯଜ୍ଞରେ 

  ସ୍ୱାର୍ଥ ପରିବର୍ତ୍ତେ 

    ମନୁଷତ୍ୱ ହୁଏ ସ୍ୱାହା, 

ଚଉଦିଗେ ଦେଖ

  ମାୟାର କୁହୁଡି 

    ମିଥ୍ୟା ପ୍ରତାରଣା ଯାହା l

ବଦ୍ଧ ପରିକର 

  ବିଚାର ଧାରାରେ 

   ସିଦ୍ଧାନ୍ତ ରେ ଉପନୀତ, 

ସଚ୍ଚୋଟ ପଣରେ 

  ସ୍ଵଚ୍ଛତା ଆତ୍ମାରେ 

     ହୁଏ କି ସେ ପ୍ରତିଭାତ l

ସମ୍ମାନରେ ଯୋଗ୍ୟ 

  ହୁଏ ସମ୍ମାନିତ 

    କର୍ମଫଳେ ପରିଚିତ 

ବିଚାରେ ବଳିଷ୍ଠ   

   ହୁଏ କାଳ ଜୟୀ 

     ସାର୍ବଜନିନେ ବିଦିତ l

ବିଶୁଦ୍ଧ ବିଚାର 

  ସଂସ୍କୃତି ସଂସ୍କାର 

    ପ୍ରମାଣ ତା ପରିଚୟ 

ମଣିଷ ପଣିଆ 

  ସେବା ସହଯୋଗେ   

     ଜୀବନ ଟା ପୂର୍ଣ୍ଣମୟ l