ଶୀତ ଆମ ମିତ

ଵଣ ପଶୁପକ୍ଷୀ  ଗାଉଛନ୍ତି ଗୀତ

  ମୟୂର କରୁଛି ନୃତ୍ୟ

ନକରି ଉଛୁର  ଯିବା ବୁଲିବାକୁ

  ଚାଲ ସାଙ୍ଗ ସାଥି ମିତ ।

ଟିକି ଝରଣାର  କୁଳୁକୁଳୁ ତାନ

  ଡାକୁଛି ହାତକୁ ଠାରି

ପ୍ରକୃତି ସୁନ୍ଦର  ଦିଶେ ଅପରୂପା

   ସବୁଜିମା ବକ୍ଷେ ଧରି ।

ବାଡି ବଗିଚାରେ  ଭରା ଫୁଲଫଳ

   ଇନ୍ଦ୍ରଧନୁ ସପ୍ତରଙ୍ଗ

ସୁନାର ଫସଲେ  ହସିଉଠେ ଖେତ

   ଆନନ୍ଦ ମନ ଉଚ୍ଛନ୍ନ ।

ନାଚୁଅଛି ଖରା  ଖୋଲା ପଡିଆରେ

   ଉଡି ବୁଲିଲେଣି ପକ୍ଷୀ

ଉଷ୍ମ ଆବେଗରେ  ଚଞ୍ଚଳ ଜୀବନ

   ଆହାରବିହାରେ ମତି ।

ଖେଳିବା ବୁଲିବା  ମନ ମଉଜରେ

   କରିଯିବା ବଣଭୋଜି

ଶୀତ ଆମ ମିତ  ବରଷକେ ଥରେ

   ଆସି ପୁଣି ଯିବ ହଜି ।