ଲାଇବ୍ରେରୀ
ପ୍ରୋଫାଇଲ୍
ସେ ବି ଏକ ବିବାହ
ସେ ବି ଏକ ବିବାହ
1 min
45
ତୁମ ହାତ ଥିଲା ତା ହାତରେ
ପବିତ୍ର ହୋମନିଆଁ ଜଳୁଥିଲା ତୁମ ଦୁହିଁଙ୍କ ଆଗରେ
ସେ ହସି ହସି ପିନ୍ଧେଇ ଦେଲା ତୁମ ମଥାରେ ସିନ୍ଦୂର
ତୁମେ ବି ପିନ୍ଧେଇ ଦେଲ ତା ଗଳାରେ ସ୍ଵୀକୃତିର ଫୁଲହାର ।
ଦୂରରୁ ଦେଖୁଥିଲି ମୁଁ ସବୁ କିଛି ନୀରବରେ
କିନ୍ତୁ ମୋ ଆଖି ଏବେବି ଲାଖି ରହିଥିଲା
ତୁମ ଗଳାରେ ଝୁଲୁଥିବା ସେ କୃଷ୍ଣଙ୍କ ଲକେଟ୍ଟି ଉପରେ
ଯାହା ଦିନେ ମୁଁ ପିନ୍ଧେଇ ଦେଇଥିଲି ତୁମକୁ
ତୁମରି ଅନୁରୋଧରେ ।
ତୁମେ ଭାବିଥିଲ ସେ ଲକେଟ୍ଟିକୁ ମୋ ବନ୍ଧୁତାର ଉପହାର
ମୁଁ କିନ୍ତୁ ମାନିନେଇଥିଲି ତାକୁ ବନ୍ଧନ ଆମ ବିବାହର
ତୁମେ ସେଦିନ ପଢିପାରି ନଥିଲ ମୋ ଆଖିର ପ୍ରକୃତ ସତ
କିନ୍ତୁ ମୁଁ ଦୁନିଆକୁ କହିସାରିଥିଲି ମୁଁ ବିବାହିତ !!
