ଅଭିନୟ

ମୁଁହରେ ରଙ୍ଗବୋଳି 

ମଞ୍ଚରେ ନିଜର ଚମତ୍କାର ପ୍ରଦର୍ଶନ କରି

ଦର୍ଶକ ନିକଟରୁ ତାଳି ଆଉ ଗାଳି ସାଉଁଟି

ନିଜ ଲୁହକୁ ଲୁଚେଇ ପାରୁଥିବା କଳାକାର ,

ଯେତେବେଳେ ରଙ୍ଗ ପୋଛି

ନିଜ ବାସ୍ତବତା‌କୁ ଫେରେ

ସେ ମଧ୍ୟ ଖୋଜିବୁଲେ କିଛି ବାସ୍ତବ ସ୍ନେହ ମମତାର ପରଶ ।

କିନ୍ତୁ ଏ ନିଷ୍ଠୁର ଭଦ୍ର ସମାଜ ଭାବେ

ଅଭିନୟର ନିଶା ବୋଧେ ଉତୁରି ନାହିଁ

ଏବେ ଯାଏଁ କଳାକାର ବାବୁଙ୍କର

ତେଣୁ ମିଛରେ କରୁଛି ପାଗଳର ପ୍ରଳାପ

ଆଉ କଳାକାର‌ଟି ଶେଷରେ ପାଲଟିଯାଏ ନୀଳକଣ୍ଠ

ପୁଣି ହସି ହସି ପିଇଚାଲେ ତା' ନିରସ ଜୀବନର ବିଷ ।