ସ୍ମୃତି

ସ୍ମୃତି ତୁମେ ମନେପଡ଼…

ସମୟର କାଚ ଆଇନାରେ,

ବୟସର ଉଜୁଡା ଅପରାହ୍ନରେ,

କେବେ ପୁଣି ମାଆର କୋହରେ,

ପୁଣିକେବେ ବାପାଙ୍କ ଆଖିରେ ।

ସ୍ମୃତି ତୁମେ ମନେପଡ଼।

ସ୍ମୃତି ତୁମେ ମନେପଡ଼

ଶୀତ ସକାଳର କଅଁଳ ଖରାରେ,

ଶରତର ଧଳା କାଶତଣ୍ଡିରେ,

ବର୍ଷା ଝଡିର ମେଘୁଆ ସଞ୍ଜରେ,

ଆଉ ପୁଣି କେବେ ଗ୍ରୀଷ୍ମ ପ୍ରବାହର ପ୍ରଚଣ୍ଡ ରୌଦ୍ରରେ ।

ସ୍ମୃତି ତୁମେ ମନେପଡ଼

ସ୍ମୃତି ତୁମେ ମନେପଡ଼

ପିଲାଦିନ ଧୂଳି ଖେଳରେ,

ଯୌବନର ମାଦକତାରେ,

ଜୀବନ ସାଥୀର ମଧୁର ହସରେ,

ଶେଷରେ ପୁଣି ମନେ ପଡ଼ିବ ତୁମେ

ଜୀବନର ଅନ୍ତିମ ଶ୍ୱାସରେ।