Library
Profile
ସବୁଜ ପରିବେଶ
ସବୁଜ ପରିବେଶ
ସବୁ ବୃକ୍ଷ ଲତା ପ୍ରାଣୀ ଉଦ୍ୟାନ ବିଜ୍ଞାନ
କୃଷି ଓ କଳ କାରଖାନା
ସବୁ କିଛି ମଣିଷ କୃତ କିଛି ପ୍ରକୃତିର
ଦାନ ସୃଷ୍ଟିର ସର୍ଜନା ।
ପୂର୍ବ ପୁରୁଷ ଗଛ ପୋତିଥିଲେ ବୋଲି
ଭୋଗ କରୁ ଆମେ ଫଳ
ଆମ୍ବ, ପଣସ, କୁସୁମ, ବର, ଅଶ୍ୱସ୍ତ, ନିମ୍ବ,
ଶାଳ ଓ ପିଆଶାଳ ।
ସବୁଜ ବିପ୍ଳବ କରିବା ସ୍ଲୋଗାନରେ ଆଜି,
ନୂଆ ଗଛ ଲଗାଇ
ପରିବେଶକୁ ସୁରକ୍ଷା କରିବା ଦିଗରେ
ବକ୍ତୃତାର ଅନ୍ତ ନାହିଁ ।
ଦେଖୁଅଛି ପୋଷ୍ଟର ରାସ୍ତାରେ, ଘାଟରେ
ଓ ବିଭିନ୍ନ କାନ୍ଥ ମାନଂକରେ
ଶୁଣୁଛି କେତେ ଆଲୋଚନା ପର୍ଯ୍ୟାଲୋଚନା
ନେତାଂକର ସଭା ସମିତିରେ ।
ଅକ୍ସିଜେନ୍ ଅଭାବ ହୋଇ ମଣିଷ ହୁଏ
ନାହିଁ ନଥିବା ବ୍ୟାଧିର ଶିକାର
ଲାଇନ୍ ଦେବାକୁ ପଡ଼ୁଛି ଅକ୍ସିଜେନ୍ ଟିକେ
ପାଇଁ ବାରଣ୍ଡାରେ ହସ୍ପିଟାଲର ।
ଥୁଣ୍ଟା ପାହାଡ ଗୁଡିକ କହି ହଉଛନ୍ତି, ନଣ୍ଡା
କରିଛନ୍ତି ଅମଣିଷ ପ୍ରାଣୀ
ବୃକ୍ଷ ଯେତେ ସବୁ କାନ୍ଦୁଛନ୍ତି, କେତେ କରିଛନ୍ତି
କ୍ଷତାକ୍ତ ତାକୁ ହାଣି ହାଣି ।
ଆଗରୁ ମୋର କ
ଅଁଳିଆ ପତ୍ରରେ ଝଙ୍କାଳିଆ
ହୋଇ ସେ ସୁନ୍ଦର ଥିଲା
ବାଟରେ ଚାଲିଯିବା ଲୋକ ଘଡ଼ିଏ ଗଛ ତଳେ
ବସି କ୍ଲାନ୍ତି ମେଣ୍ଟାଉଥିଲା ।
ଅମ୍ଳଜାନ ଯୋଗାଇ ଦେଉଥିଲା ପରିତ୍ୟକ୍ତ
ଅଙ୍ଗାରକାମ୍ଳ ନିଜେ ନେଇ
ସଂସାର ଯାକର ସବୁଜ ବନାନୀକୁ କଲ ଧ୍ୱଂସ
ଭୋଗୁଛ ଭଉଣୀ ଭାଇ ।
ମହାନ୍ ଉଦ୍ଦେଶ୍ୟ ହାସଲ ପାଇଁ ସବୁଜିମାର
ପ୍ରତୀକ ସବୁଜ ରଙ୍ଗକୁ
ଅନ୍ତର୍ଭୁକ୍ତ ଜାତୀୟ ପତାକାରେ, ପାଳିବା ପରା
ମୌଳିକ କର୍ତ୍ତବ୍ୟକୁ ।
କର୍ତ୍ତବ୍ୟ ଧରା ପୃଷ୍ଠକୁ ଉର୍ବର, ଉନ୍ନତ ଓ ଶସ୍ୟ
ଶ୍ୟାମଳାପୂର୍ଣ୍ଣ ରଖିବା
ପରିବେଶ ସୁରକ୍ଷା, ଜୀବନ, ପରିବେଶ ଦୂଷିତ
ନହେଲେ ଆମେ ବଞ୍ଚିବା ।
ଜଙ୍ଗଲ ଆମର ଜାତୀୟ ସମ୍ପତ୍ତି, ତାକୁ ସୁରକ୍ଷା
ଦେବା ମୌଳିକ କର୍ତ୍ତବ୍ୟ ଆମର
ଚେତନାରେ ପଶୁ ହେ ମୋର କବି, ଲେଖକ,
ପାଲାକାର, ଦାଶକାଠିଆ ନାଟ୍ୟ କଳାକାର ।
ସାରା ପରିବେଶ ସବୁଜ ସୁନ୍ଦର ଶୁଦ୍ଧ ନରହିଲେ,
ଚେତାଇ ଦିଅ ପୃଥିବୀ ଲୋକଙ୍କୁ
ଭବିଷ୍ୟତ ଆହୁରି ହେବ ଭୟଙ୍କର,
ରୋଗର ଶୀକାର
ହୋଇ ଡାକୁଛନ୍ତି ବିଶ୍ୱର ଧ୍ୱଂସକୁ ।
