ସବୁ ଘଟଣା ନୁହେଁ ଦୁର୍ଘଟଣା
ସବୁ ଘଟଣା ନୁହେଁ ଦୁର୍ଘଟଣା
ସବୁ ଘଟଣା ନୁହେଁ ଦୁର୍ଘଟଣା
ସବୁ ଘଟଣା ନୁହେଁ ଦୁର୍ଘଟଣା
ଦେଇ ଥାଏ ଯିଏ ଦୁଃଖ ଯନ୍ତ୍ରଣା ।
ଦୁର୍ଘଟଣା ବୋଲି ତାହାକୁ କହି
ପ୍ରଭାଵ ତାହାର ଭୁଲି ନୁହଇ ।
ଅସଂଖ୍ୟ ଘଟଣା ରାଶି ଜୀବନେ
ଗଡି ଚାଲି ଅଛି ଯେ ରାତି ଦିନେ ।
ଯେଉଁ ଘଟଣା ରେ ଧନ ଜୀବନ
ହାନୀ ସହ ମନ ସହେ କଷଣ ।
ଅଶାନ୍ତି ଦୁଶ୍ଚିନ୍ତା ସ୍ବପ୍ନକୁ ଭଗ୍ନ
କରି ବହୁ ଦୁଃଖେ କରାଏ ମଗ୍ନ ।
ଦୁର୍ଘଟଣା ସିନା ଅଟଇ ତାହା
ଜୀବନେ ଦେଖାଏ ନୂତନ ରାହା ।
କେତେକ ତନ୍ମଧ୍ୟରେ ପ୍ରାକୃତିକ
ବହୁ ମୃତାହତ ହୁଅନ୍ତି ଲୋକ ।
ଘଟାଇ ଚାଲେ ସେ ଅନେକlନେକ
ପ୍ରଭାଵ ତାହାର କ୍ଷତି କାରକ ।
ଘଟଇ ଅସଂଖ୍ୟ ଯେ ଅଚାନକ
ଆକ୍ରମଣ ଅବା କ୍ଷତି କାରକ ।
ଭାବ ଘେନି ଯେ ଅନନ୍ୟ ସୃଜନ
କରେ ନିମିଷକେ ଚୂର୍ଣ୍ଣ ବିଚୂର୍ଣ ।
ମନୁଷ୍ୟ ବା ଅନ୍ୟ କାହାରି ତୃଟି
ହେତୁ ଚାଲି ଥାଏ ନିଇତି ଘଟି ।
କୂତ୍ରିମ ବୋଲି କି ତାହାକୁ କହି
ବହୁଳ ପ୍ରଭାବ ଥାଏ ପକାଇ ।
ଦୁଃଖ ଦୈନ୍ୟ ଦଗ୍ଧ ଦୁର୍ଦ୍ଦିନ ଆଣେ
ଆଶା ଓ ସ୍ୱପ୍ନକୁ ବିନାଶେ କ୍ଷଣେ ।
ସୃଜେ ପଶ୍ଚାତlପ କଷ୍ଟ ଯାତନା
ସମସ୍ୟା ଜାଲ ରେ ଛନ୍ଦଇ ନାନା ।
ସବୁ ଘଟଣା ନୁହେଁ ଦୁର୍ଘଟଣା
ଖଣ୍ଡିଆ ଖାବରା ମରା ଓ ହଣା ।
ଦଳା ଚକଟାରେ ଜୀବନ ହାନୀ
ଅଭୁଲା ରହଇ ସେହି କାହାଣୀ ।
ରୋମାଞ୍ଚ ଆଶଙ୍କା ଆବେଗ ଭରା
ବହୁତ ଦୁର୍ମୂଲ୍ୟ ନାଶେ ସେ ତ୍ୱରା ।
ଦୁର୍ଘଟଣା ବୋଲି କହନ୍ତି ତାହା
ଝରାଏ ଜୀବନେ ଦୁଃଖ ଓ ଜ୍ଵାଳା ।