ମୁଁ ସିଗାରେଟ

ଧୁଆଁ ପିଇବାକୁ ଭାରି ମଜା ଲାଗେ 

ମୋ ଦେହରୁ ଟାଣି ଟାଣି ,

ମୃତ୍ୟୁ ଦୂତ ମୁଁ ଯେ ଆନ କିଛି ନୁହେଁ 

ଏକଥା ରଖିଥା ଜାଣି ।

ସମାଜ ପାଇଁକି ମୁଁ ଅଟେ କଳଙ୍କ 

ଶୀଘ୍ର କରେ କବଳିତ ,

ମୋ ଫାସରେ ଯିଏ ପଡିଗଲା ଥରେ 

ହୁଏନା ସେ ମୁକୁଳିତ ।

ମୋ ନିଶାରେ ଥାଏ ଏତେ ଉନ୍ମାଦନା

ଆକୃଷ୍ଟ କରେ ସଭିଙ୍କୁ ,

ସୁସ୍ଥ ସମାଜକୁ ଅସୁସ୍ଥ କରାଏ 

ଜଳାଇ ଏ ଦୁନିଆଁକୁ ।

ଅକାଳ ବ୍ଯାଧିରେ ପୀଡିତ କରାଏ 

ଅକାଳ ମୃତ୍ୟୁ ମୁଁ ଦିଏ,

ସୁସ୍ଥ ମଣିଷକୁ କଙ୍କାଳ ବନାଏ 

ହୀନସ୍ଥା ମୁହିଁ କରାଏ ।

ମୋତେ ପାନ କରି ମଣିଷ ଜାତିଟା

ଫସିଯାଏ ଫଟାଫଟ୍ ,

ମୁହିଁ ଯେ ଅଟଇ ନରକର ଦ୍ବାର 

ନାମ ମୋର ସିଗାରେଟ।