ସ୍ବର୍ଗଦ୍ବାର
ସ୍ବର୍ଗଦ୍ବାର
କିଛି ମାଗୁନାହିଁ କାଳିଆରେ ତତେ
ମାଗୁନାହିଁ ତୋର ଶରଧାବାଲିରୁ ହାତେ
ଆଜି ମୁଁ ମାଗୁଛି କାଳିଆରେ
ମନା କରିବୁନି ମତେ ।।
ନିରାଶ ନକରି ଫେରାଇ ଦେବୁନି କାଳିଆ
ମନା କରିବୁନି କେବେ
ସ୍ବର୍ଗଦ୍ବାରରୁ ଟିକିଏ ଜାଗା
ଦେବୁରେ କାଳିଆ ମୋତେ
ବହୁଦିନରୁ ଭାବିଛିରେ କାଳିଆ
ଶବଟି ମୋହର ସେଠାରେ
ଜଳୁଥିବ ଜୁଇ ହୋଇ
ପରିବାର ମୋର ଧନ୍ଯ ହୋଇଯିବେ
ତୋ ସ୍ବର୍ଗଦ୍ବାରେ ଶବଦାହ କରି ।।
ଜଳି ଜଳି ଯେବେ ପାଉଁଶ ହୋଇବି
ଆଉ ଟିକିଏ ଦୟାତୁ କରିବୁ
ସେ ପାଉଁଶ ମୁଠାଏକୁ ନେଇ
ସମୁଦ୍ରରେ ବିଂଚିଦେବୁ ।।
ମୋର ପରିବାର ତୋ ପାଖେ ଛାଡିଲି
ତାଙ୍କ କଥା ତୁ ବୁଝୁଥିବୁ
କିଛି ଆଶା ଆଉ କରିବିନି କାଳିଆ
କରୁଛି ଏତିକି ଆଶା
ମନା କରିବୁନି କେବେରେ କାଳିଆ
ବିନତି କରୁଛି ତୋ ଦୁଆରେ
ମୋ ଆଶା ଭରଶା ଭାଙ୍ଗିବୁନି କାଳିଆ
ରହିବି ସଦା ମୁଁ ତୋ ସ୍ବର୍ଗଦ୍ବାରେ ।।