ଘୋଡା ମୁହାଁ ପୁଅ
ଘୋଡା ମୁହାଁ ପୁଅ
ଘୋଡା ମୁହାଁ ପୁଅ, ଓଡିଆ ଭାଷାରେ ଏକ
ବୋଲି ରହିଅଛି
ଏହା ତ ଏକ Maxim, ଯାହା ମୁଁ ମୋ ପିଲା
ଦିନରୁ ଶୁଣି ଆସିଛି |୧
ବଂଶ ବୁଡିଲା ବେଳେ କୁଳରେ ଘୋଡା ମୁହାଁ
ପୁଅ ଜନ୍ମ ହୁଏ
କର୍ମ ବିନା ଶାଗ ମାଛ ଦରରେ ସ୍ଥାବର ସମ୍ପତି
ବସି ବିକି ଖାଏ |୨|
ଉଡଇ ଆକାଶେ ମିଛ କୁହୁଡିର ନକ୍ସା ଆଙ୍କି
ଆଙ୍କି ଯାଇଥାଏ
ପଛ ଆଗ କିଛି ଆଖିକୁ ଦିଶେନି ଗର୍ବ ଅହଙ୍କାର
ପୁରି ରହିଥାଏ |୩|
ବହୁ ସଂଗ୍ରାମ ବଳରେ ରାଜା ରାଜୁଡାଙ୍କ ଭତ୍ତା
ହୋଇଥିଲା ଦୂର
ଗରିବ ବାପୁଡା ଲୋନ ପାଉଥିଲା ଫଳ ବ୍ୟାଙ୍କ
ଜାତୀୟକରଣର |୪|
ଚୌକିଦାର ସାଥେ ସଲାସଲି ହୋଇ ଖୋଳ
କରି ପୁଂଜିପତି ଫେରାର
କୁହ ସବୁ ମୋର ଦେଶପ୍ରେମୀ ମାନବପ୍ରେମୀ
ଭାଇ ଏହା କାହା ସ୍ୱାର୍ଥର |୫|
ରାଜା ରାଜୁଡା ଜମିଦାରୀ ଉଛେଦ ହୋଇଥିଲା
ଗରିବର ସ୍ୱାର୍ଥ ପାଇଁ
ଆଜି କିନ୍ତୁ ଆମ୍ବାନି ଆଦାନି ଦେଶରେ ସୃଷ୍ଟି ହୁଏ
କାହାର ଲାଭ ପାଇଁ |୬|
ଖଣ୍ତେ ଖଣ୍ତେ ବିକି ସରିଲାଣି ଜାତୀୟ ଧନ ମଶାଣି
ପଦାରୁ ଧର୍ମଶାଳା ଯାଏ
କର୍ତ୍ତବ୍ୟର ନାମେ ଧର୍ମ ଦ୍ୱାହିଦେଇ ସମ୍ବିଧାନ ଅଧିକାରକୁ
ଟିକି ଟିକି କରି ଚରିଥାଏ |୭|
ଯୋଗରେ ଥିଲା ଆମ ଅମଳରେ ଏ ସବୁ ଦେଖିବା
ପଥର ଲଦି ଛାତିରେ
ଧୈର୍ଯ୍ୟ ବନ୍ଧ ଭାଂଗିଲାଣି ଦେଖି ଦେଖି ଏହି ଅପକର୍ମ,
ଅପେକ୍ଷା ପରିବର୍ତ୍ତନ ଆଶାରେ |୮|