ସାହିତ୍ୟରେ ରାଜନୀତି

ସାହିତ୍ୟରେ  ରାଜନୀତି, ଭଲ ଲାଗୁ ନାହିଁ, 

କବିତାରେ  ଧର୍ମ  ଜାତି,  ଭଲ ଲାଗୁ ନାହିଁ, 

ଭଲ ଲାଗୁ ନାହିଁ ମୋତେ, ଭଲ ଲାଗୁ ନାହିଁ, 

ଦୁନିଆର  ରୀତିନୀତି,   ଭଲ  ଲାଗୁ  ନାହିଁ ।

ତୁ  ସୁନ୍ଦର   ଫୁଲଟିଏ,   ଭ୍ରମର   ମୁଁ  ସାଜି, 

ନିବେଦନ  କରୁଛି  ମୁଁ,  ଗୀତ  ଗାଇ  ଆଜି, 

ତୋ  ବିନା ଏ ଦିନ ରାତି,  ଭଲ ଲାଗୁ ନାହିଁ ।

କେହି ନ ଶୁଣିଲେ ମୋତେ, ଖାଲି ତୁ ଶୁଣିନେ, 

କେହି ନ ବୁଝିଲେ ମୋତେ,  ଖାଲି ତୁ ବୁଝିନେ, 

ସଂସାର  କୁ  ପ୍ରେମ  ପ୍ରୀତି,  ଭଲ  ଲାଗୁ ନାହିଁ ।

"ଜୀବନ ଗୀତ" କବିତା,  ଲେଖୁଛି  ତୋ ପାଇଁ, 

ହେଲା  ସେ  ଜଗତଜିତା,  ଦେଖୁଛି ତୋ ପାଇଁ, 

ବିରହରେ  ଯଶ  ଖ୍ୟାତି,    ଭଲ  ଲାଗୁ  ନାହିଁ ।