ଉପାସ ମାସ

ଉପାସ    ମାସ    ବରଷ   ଘୁରି,

ଆସିଛି    ପୁଣି    ଆମ   ପାଖକୁ, 

ମାସକ   ପାଇଁ    ଅତିଥି  ହୋଇ, 

ଆସିଛି   ପୁଣି    ଆମ     ପାଖକୁ ।

ପୂଣ୍ୟ   ଅରଜନ   ସୁଯୋଗ  ଦିଏ, 

ପାପ ଦୋଷ ସବୁ ଧୋଇ ସେ ନିଏ, 

ପୂଣ୍ୟ  ଦେବାକୁ  ସେ  ଗୁଣି ସତୁରି, 

ଆସିଛି    ପୁଣି     ଆମ     ପାଖକୁ ।

ଶୋଇବା   ରାତିରେ   ତରାବୀ ପଢ଼ି,

ଉପାସ   ରହିବା   ସେହରୀ    କରି, 

ଶାନ୍ତି   ଅହିଂସାର   ଆଦେଶ  ନେଇ, 

ଆସିଛି     ପୁଣି       ଆମ    ପାଖକୁ ।

ଦୟାଶୀଳ    ହୁଅ   ମାନବ     ଜାତି,

କର    ଇଫତାରୀ   ସାଙ୍ଗରେ   ବସି, 

ସହନଶୀଳତା    ମାପିବା        ପାଇଁ, 

ଆସିଛି      ପୁଣି       ଆମ     ପାଖକୁ ।

ଭୋକ   ଶୋଷ  ଟିକେ  ସହି ତ ଦେଖ, 

ନିର୍ଦ୍ଧନଙ୍କ    ପ୍ରତି     ସହାୟ        ହୁଅ, 

ଏଇ      କଥାଟିକୁ      କହିବା    ପାଇଁ, 

ଆସିଛି     ପୁଣି        ଆମ       ପାଖକୁ ।

କବି ମହମ୍ମଦ ଇନାୟତ ଅଲୀ ଖାଁ, ବାଲେଶ୍ବର।