ଆମେ ଭାରତୀୟ

ଆମେ  ଭାରତୀୟ,  ଆମର ସମ୍ପର୍କ, 

ଭାଙ୍ଗିବା ସମ୍ଭବ ନୁହେଁ, 

ଜାତୀୟ  ଏକତା,  ଅମୂଲ୍ୟ  ସମ୍ପଦ, 

ଲୁଟିବା ସମ୍ଭବ ନୁହେଁ ।

ଅନେକ ଭାଷାରେ, କଥାଟି ହେଲେ ବି, 

ମତରେ ସମତା,  ଦେଖୁବାକୁ ମିଳେ, 

ଅନେକ  ପ୍ରକାର,  ବସନ   ଭିତରୁ, 

ଭାରତୀୟତାଟି,  ବାରି ହୋଇ ପଡ଼େ, 

ଏମିତି ସଂସ୍କୃତି, ସଂସାରେ  କେଉଁଠି, 

ପାଇବା ସମ୍ଭବ ନୁହେଁ ।

ଭାରତ ମାଟିରେ, କପାଳ ରଖି  ମୁଁ, 

ପ୍ରାର୍ଥନା  କରୁଛି, ଆଲ୍ଲାହଙ୍କୁ ଡାକୁଛି, 

ମାତା  ଜାଣି କିଏ,  ପ୍ରଣାମ କରୁଛି, 

କୋଣ ଅନୁକୋଣେ, ଈଶ୍ୱର ଦେଖୁଛି, 

କାହାର ହୃଦରେ, କେତେ ଦେଶ ପ୍ରେମ, 

ମାପିବା ସମ୍ଭବ ନୁହେଁ ।

ଭାରତ ବାସୀଙ୍କୁ,  ଭାଇ ମୁଁ କହୁଛି, 

ସାଙ୍ଗ  ବି  କହୁଛି,  ଭଉଣୀ  କହୁଛି, 

ତାଙ୍କ  ପାଖରୁ  ମୁଁ,   ସମ୍ମାନ ପାଉଛି, 

ନିଜ  ଘରକୁ  ମୁଁ,  ଆଦରେ  ଡାକୁଛି, 

ରାକ୍ଷୀର  ବନ୍ଧନ  ସୂତା ଖିଅ  ହେଲେ, 

ଛିଡ଼ିବା ସମ୍ଭବ ନୁହେଁ ।