ରୂପା ଛାମୁଣ୍ଡିଆରେ ସୁନା ମାଳତୀ

ରୂପା ଛାମୁଣ୍ଡିଆରେ ସୁନାର ମାଳତୀ

ହୀରାର ଜହ୍ନକୁ ଆହା ଆଲୁଅ ବଡ଼ତି

ଅଳସୀ ପ୍ରିୟାର ପାଦ ଉଠୁଛି ଝଟତି

..........ରୂପା ଛାମୁଣ୍ଡିଆରେ ସୁନାର ମାଳତୀ ! ୦ !

ପାଉଁଜି ଝୁମୁରୁ ଗୋଡ଼ି କାନରେ ବାଜୁଚି

ଝରକା ଭିତରୁ ଆଖି ସଜରେ ଖେଳୁଚି

ମୋ ପ୍ରିୟା ଲାଜେଇ ଭଲା ହସୁଚି ନିହାତି

..........ରୂପା ଛାମୁଣ୍ଡିଆରେ ସୁନାର ମାଳତୀ ! ୧ !

ଆଖିରେ ଅସରା ସିଏ କାହାଣୀ ଲେଖିଚି

ପଢ଼ିବା ପାଇଁକି କେତେ ନେହୁରା ହେଉଚି

ହୃଦୟ ଦେଇ ମୁଁ ପାଠ ଲାଗିଚି ଯେମିତି 

..........ରୂପା ଛାମୁଣ୍ଡିଆରେ ସୁନାର ମାଳତୀ ! ୨ !

ବଉଦ ଅନ୍ଧାର ଯାହା ସାମାନ୍ୟ ଡରେଇ

ପ୍ରିୟାକୁ ମୋ ପାଖେ ଆଣି ଦେଇଛି ଫେରେଇ

ରାତିକୁ ଦେଖୁଛି ଭଲା ଆଶାର ପୀରତି

..........ରୂପା ଛାମୁଣ୍ଡିଆରେ ସୁନାର ମାଳତୀ ! ୩ !

************************************

ରଚନା: ତା.୧୪-୮-୨୦୨୦, ଅପରାହ୍ଣ-୫ଘ.୦୪ମି.

************************************