ରଥ ପଥ ଜଗନ୍ନାଥ

ରଥେ ବସି ଭାବେ ଭାବର ଠାକୁର

ଯାଆନ୍ତି ମାଉସୀ ଘର

ରଥଯାତ୍ରା ଲୀଳା ପୁରୀର ପ୍ରସିଦ୍ଧ

ଅଟେ ଜଗନ୍ନାଥଙ୍କର ।

ରତ ଥାଇ ସେବାୟତ ନିରନ୍ତର

ସେ ବା ପୂଜା ଯୋଗାନ୍ତି 

ଆନନ୍ଦ ଲହରୀ ପ୍ରବାହିତ ହୁଏ

ରଥ ଟାଣି ଟାଣି ଯାନ୍ତି ।

ଲକ୍ଷ ଲକ୍ଷ ଭକ୍ତଙ୍କ ଗହଣରେ

ଶ୍ରୀ ଜୀଉ ମାନେ କିପରି 

ରଥ ଯାତ୍ରା ହେଲେ ଚାଲନ୍ତି ଆନନ୍ଦେ

ବଡ଼ଦାନଡେ ବିଜେ କରି ।

ନନ୍ଦିଘୋଷ ରଥେ କାଳିଆ ସାଆନ୍ତ

ବିଜୟ କରିବେ ଯାଇ

ତାଳ ଧ୍ଵଜ ଆଉ ଦର୍ପ ଦଲନରେ

ଆରୋହଣ କରିଥାନ୍ତି ।

ବଳଭଦ୍ର ଆଉ ସୁଭଦ୍ରା ଭଗିନୀ

ଭକ୍ତ ମାନେ ଟାଣି ଟାଣି

ନିଅନ୍ତି ରଥକୁ ଚତୁର୍ଦ୍ଧା ମୂରତି

ତହିଁ ଶୋଭା ପାଉଥାନ୍ତି ।