ରକ୍ଷା ସୂତ୍ର

ଜୀବନ ଜଞ୍ଜାଳ, ଅଥଳ, ଅକଳ

କଳି ହୁଏ ନାହିଁ, କାର୍ଯ୍ୟ ସାରଣୀ,

ଉଷା ରୁ ପ୍ରତ୍ୟୁଷ ନାହିଁ ଫୁରୁସତ

ପୁଣି ଯୋଡ଼ି ଯାଏ କାର୍ଯ୍ୟ କାରିଣୀ ।

ଦୁଇ ପରିବାର କେହି ନୁହଁ ପର

ବୁଝୁଛି ସତେକି ଚଞ୍ଚଳା ରାଣୀ,

କୃପା, କର୍ତ୍ତବ୍ୟରେ, ତ୍ୟାଗ, ତୁଳନାରେ

ସମ୍ପାଦନ କରୁ ସାଜି ଶିବାନୀ ।

ସନ୍ତାନ ସୁହାଗ ସ୍ବାମୀ ସହଯୋଗ

ତଥାପି ନ ଭୁଲୁ ଶାଶୂଙ୍କ ବାଣୀ,

ସାଜି ସର୍ବଗୁଣା ସମ୍ପୂର୍ଣ୍ଣା ଶାଳିନୀ

ମନକୁ ମୋହାଉ ମନ ମୋହିନୀ ।

ତୋ ତ୍ୟାଗ, ଦକ୍ଷତା ଦେଖିଲେ ସତରେ

ନଇଁ ଯାଏ ମଥା ଆପେ ଭଉଣୀ,

ପ୍ରତି ଜନମରେ ହୁଏ ମୁଁ ତୋ ଭାଇ

ରକ୍ଷା ସୂତ୍ର ଲେଖୁ ଟିକି କାହାଣୀ ।

ମାଆ ଙ୍କୁ ମାଗୁଛି ତୋ ସର୍ବ କୁଶଳ

ପରିବାର ରଖୁ ଘଣ୍ଟ ଛାଉଣି,

ମାଆ ର ଆଶିଷେ ହୁଅ ତୁ ବିଜୟା

ଚିର ହସୁ ତୋ'ର ପଣତ କାନି.......ବିଜୟ ।