Read #1 book on Hinduism and enhance your understanding of ancient Indian history.
Read #1 book on Hinduism and enhance your understanding of ancient Indian history.

Rasmita Dixit

Abstract Tragedy


3  

Rasmita Dixit

Abstract Tragedy


ରାଧା ହେବା ପରେ

ରାଧା ହେବା ପରେ

1 min 274 1 min 274


ପଦଚିହ୍ନ ଛାଡ଼ିଦେଇ ସ୍ମୃତିର ବେଳାରେ 

ସମୟ ଫେରାର

ଚର୍ଚ୍ଚା ର ଜୁଆରରେ 

ଅସୁମାରୀ ପ୍ରଶ୍ନ 

ମତେ ଆଉ ମୋର ସ୍ଥିତି କୁ ନେଇ 

ମୁଁ ଜାଣେ ତମେ ଏବେ ଖୁଵ ଖୁସି 

ମୋର ଏଇ ସ୍ବେଚ୍ଛାକୃତ ଏକାନ୍ତ ବାସରେ ,

ନିର୍ଦ୍ୱନ୍ଦ ରେ ମୁଠାଇ ଚାଲିଛ

ଭାଗ୍ୟ , ଭବିଷ୍ୟ ର ଉପଲବ୍ଧି ସବୁ 

ଏଡାଇ ଚାଲିଛ --

ଜଣା ଅଜଣା ପ୍ରଶ୍ନ ସବୁକୁ 

ଯେହେତୁ ଉତ୍ତର ଦେବାକୁ 

ପରିଚିତ ଶବ୍ଦ କିଛି ନାହିଁ 

ଏବେ ତୁମ ପାଖରେ ।


ନିଜକୁ ଲୁଚାଇ ରଖିବାର 

ଏ ଯେଉଁ ବ୍ୟର୍ଥ ପ୍ରୟାସ ,

ଏକାକିତ୍ୱ ଲୋଡୁଥିବା 

ବିଦଗ୍ଧ ପ୍ରହର , 

ତୁମେ ହିଁ ତ ପ୍ରଚ୍ଛନ୍ନ କାରଣ ସବୁର ,

ଯେତେ ଅବସାଦ 

ସ୍ଥବିର ଅସହାୟତା 

ପ୍ରତିଥର କ୍ଷତ ବିକ୍ଷତ ହେଉଥିବା 

ଚିନ୍ତା , ଚେତନାର ବିଖଣ୍ଡିତ ଅଂଶ

ବିକ୍ଷିପ୍ତ ଆର୍ତ୍ତି ର 

ବ୍ୟାକୁଳ ଚିତ୍କାର ।


ନୀଳ ମୋହର ମୁଗ୍ଧ ପ୍ରେମରେ 

ଲୁବ୍ଧ ପ୍ରଜାପତି ପରି 

ଧାବମାନ ଅସ୍ତିତ୍ଵ ମୋ 

ଏବେ ତ୍ରିଶଙ୍କୁ ଭାବରେ 

ଧରିତ୍ରୀ ଓ ଆକାଶ ର ମିଳନ ସ୍ଥଳ ରେ ,

ସବୁକିଛି ଠିକନାହିଁ ଏବେ ଆଗପରି 

ସମ୍ପର୍କର ପରିବର୍ତ୍ତିତ ସଂଜ୍ଞା 

ତୀର ସମ ବିଦ୍ଧ କରେ 

ମୁହୂର୍ତ୍ତର ଆବରଣ ଚିରି,

 ଟୋପାଏ ଅଶ୍ରୁରେ 

ମୁଁ ଝରାଉଛି ଗତାୟୁ ଅତୀତର 

ସ୍ବର୍ଣ୍ଣିମ ସଂଗୀତ 

ମୋ ସହିତ ଏକାକାର 

ପ୍ରିୟ ଲାଗୁଥିବା ଆକାଶେ ନୀଳ ନୀରବତା 

ଓ ଅଖଣ୍ଡ ଶୁନ୍ୟତା 

ତୁମ ଅବର୍ତ୍ତମାନରେ 

ମୁଁ ଏବେ ସାଜିଅଛି 

ନୀଳ ନିର୍ବାସନ ଭୋଗୁଥିବା 

" ଦେବୀ " ପରି 

ଏକ "ନିଃସଙ୍ଗ ଈଶ୍ୱରୀ " ।





Rate this content
Log in

More oriya poem from Rasmita Dixit

Similar oriya poem from Abstract