ପୁରାଣ
ପୁରାଣ
ପୁରାଣ ଆମର ଗନ୍ତାଘର
ଅଟେ ସଂସ୍କୃତି ଓ ପରମ୍ପରା
ପୁରାଣ ପୃଷ୍ଠାରୁ ପୁରୁଣା
ଘଟଣା ଓ ବିଷୟର ପସରା ।
ପୁରାଣ ଆମର ସାହିତ୍ୟ ସଂସ୍କୃତି
ବିଜ୍ଞାନର ଇସ୍ତାହାର
ପୁରାଣ ଆମର ଇତିହାସ ବହେ
ପୂର୍ବ ପୁରୁଷଙ୍କ ଗାଥା ।
ପୁରାଣ ଆମର ଭଜନ କୀର୍ତ୍ତନ
ଦେବା ଦେବୀଙ୍କ ମହିମା
ପୁରାଣ ଅଟଇ ପ୍ରମାଣ ର ଗାଥା
ହୋଇଅଛି ଲେଖା ପଢା ।
ପୁରାଣ ଆମର ହୃଦୟ ବହିଛି
ଜୟ ବିଜୟର କଥା
ପୁରାଣେ ରହିଛି ଅସଂଖ୍ୟ ବିଷୟ
ପଢିଲେ ଘୁଆଏ ମଥା ।
ପୁରାଣ ଆମର ଅସଂଖ୍ୟ ରହିଛି
ପଢିବାକୁ ବେଳ କାହିଁ
ପଢିଲେ ଜୀବନେ ଅଭାବ ହୋଇବ
ସମୟ ଅଣ୍ଟିବ ନାହିଁ ।
ପୁରାଣ ଆମର ତଳପତ୍ରେ ଲେଖା
ପଥର ଗାତ୍ରରେ ଲେଖା
ଅନେକ ରହିଛି ଲିପିବଦ୍ଧ ହୋଇ
ମନ୍ଦିର ଗାତ୍ରରେ ଲେଖା ।
ବିଭାଗ ରହିଛି ଏଇଥି ପାଇଁକି
ପ୍ରତ୍ନତତ୍ତ୍ୱ ନାମ ବହି
ଗବେଷଣା ପାଇଁ ବିଭାଗ ସଂସ୍କୃତି
ପାଠାଗାରେ ସାଇତିଛି ।
ପୁରାଣ ଏବେ ପଢିବା ଦୂରୁହ
ବୁଝିବା ଶକତି କାହିଁ
ପଇସା ପଛରେ ସବୁ ଧାବମାନ
ପୁରାଣ କିଏ ପଢୁଛି ।
ପୁରୁଣା କୁ କହି ଅପସଂସ୍କୃତି
ହେତୁବାଦ ବାହାରିଛି
ପାଶ୍ଚାତ୍ୟ ଢାଞ୍ଚାକୁ ଆପଣେଇ ଏବେ
ପୁରାଣ କୁ ନିନ୍ଦୁଛନ୍ତି ।
ପୁରାଣ ପୃଷ୍ଠାରେ ଭାବ ଭକତି ର
ଭଜନ ତ ଲେଖା ଥାଏ
ପୁରାଣ ରଖଇ ଶାନ୍ତି ମୈତ୍ରୀ ପ୍ରୀତି
ସମାଜରେ ଭାବ ରହେ ।
ମନକୁ ସଂଯତ କରିବା ପାଇଁ
ପୁରାଣ ବାଟ ବତାଏ
ପୁରାଣ ଥିବାରୁ ସନାତନ ଧର୍ମ
ବଂଚିଛି ଏହି ସଂସାରେ ।