ପ୍ରେମ ପୁଲକ
ପ୍ରେମ ପୁଲକ
ପୁନେଇ ରାତିରେ ଚାନ୍ଦିନୀ ସାଥିରେ
ଯୋଡ଼ିଲି ଜୀବନ ମୋର
ଏଡେକି ଲାଜେଇ ଲାଜରେ ଲାଜରେ
ଟାଣିଲା ଓଢଣୀ ତାର।୧।
ପ୍ରେମ ପୁଲକରେ ପୁଲକିତ କରି
ବାସେ ମହମହ ହୋଇ
ତାପରି ସୁନ୍ଦରୀ ଗୋଟିଏ ହେଲେବି
କୋଉଠି ମିଳିବେ ନାହିଁ।୨।
ଗୋଲାପୀ ଓଠରେ ମଧୁର ଚୁମ୍ବନେ
ଭରିଦିଏ ମିଠା ସିଏ
ତା ପାଇଁ ରାତିମୋ ପାହି ଯାଏ କେବେ
ସତରେ ଭୁଲି ମୁଁ ଯାଏ।୩।
ଶୟନେ ସପନେ ଭାବନା ତାହାର
କରେ ଆନମନା ମୋତେ
ଗୋଟିଏ ରାତିର କୋଟିଏ ଆୟୁଷ
ରଖିଛି ତା ପାଇଁ ସତେ।୪।
ନିରୀହ ଆଖି ତା ଲାଜ ମିଶା ଓଠେ
କହି ଦିଏ କେତେ କଥା
ତାହାରି କୋଳରେ ରାତି ପାହି ଯାଏ
ରଖି ଦେଇ ମୋର ମଥା।୫।