ପ୍ରିୟା ପାଇଁ ସ୍ବପ୍ନ

ସ୍ଵପ୍ନ ଦେଖିଥିଲି ତୁମ ପାଇଁ ପ୍ରିୟା

ମୁକ୍ତାରେ ତୋଳିବି ଘର

ନିଳ ଆକାଶରୁ ନିଳ ଝରଣାଟେ

ଅଗଣାରେ ଦେବି ତୋର।।

ରକ୍ତିମ ତୋ ଓଠେ ଆଙ୍କି ଦେଉଥିବି

ଚୁମ୍ବନ ମୁଁ ଦୁଇଧାର 

ତୋ ନୟନ କୋଣେ ରହିଥିବି ସଦା

ହୋଇ ମୁଁ କଜ୍ଜଳ ଗାର।।

ଦୁଗ୍ଧ ଅଳତା ରଙ୍ଗ ଚିବୁକରେ

ପ୍ରଶାଧନ ହେବି ତୋର

ତୋ ସିନ୍ଥିରେ ସଦା ରହିଥିବି ନିତି

ହୋଇ ମୁଁ ସିନ୍ଦୂର ଗାର।।

ସାଜୁଥିବ ନିତି ତୋ ପାଦେ ଅଳତା

ଦେଖୁଥିବି ନିରନ୍ତର

ରୁଣୁଝୁଣୁ ଝୁଣୁ ପାହୁଡ଼ ନୂପୁର

ଶୁଣୁଥିବ କର୍ଣ୍ଣ ମୋର।।

ତୋ କ୍ଷୀଣ କଟିରେ ସୁନାସୂତା ଗୋଟେ

ବାନ୍ଧିଦେବି ହାତେ ମୋର

ସାଜୁଥିବ ନିଶିଦିନ ସେହି ସୂତା

ନୟନେ ଝଲସି ମୋର।।

ତୋ ଗଳାରେ ମୁଁ ଯେ ନିତି ସାଜୁଥିବି

ହୋଇ ତାରକସି ହାର

ତୋ ମଥାର ବିନ୍ଦି ହୋଇ ଝଲସିବି

ଥିଲା ତ ସପନ ମୋର।।