ଉତ୍କଳ ଗୌରବ
ଉତ୍କଳ ଗୌରବ
ଓଡ଼ିଶାର ପୁଅ ଓଡ଼ିଆର ପ୍ରାଣ
ତୁମେ ଉତ୍କଳ ଗୌରବ ,
ସତ୍ୟଭାମା ପୁରେ ଜନମ ଲଭିଲ
ଓଡ଼ିଶା ମାଟିର ଗର୍ବ ।୧
ମାତୃଭୂମି ମାତୃଭାଷାର ଉତ୍ଥାନ
ଥିଲା ତୁମରି ଆହ୍ବାନ ,
ସ୍ବାଭିମାନ ରକ୍ଷା ପାଇଁ ମାଟି ମା'ର
କରିଲ ବୀଜ ବପନ ।୨
ସ୍ଵତନ୍ତ୍ର ପ୍ରଦେଶ ଗଠନ ପ୍ରକ୍ରିୟା ରେ
ଭୂମିକା ତୁମ ମହାନ ,
ଭାଷା ସାହିତ୍ୟକୁ ବିଶ୍ବ ଦରବାରେ
ଦେଇଗଲ ସନମାନ ।୩
ଜାତି ପ୍ରେମ ବହ୍ନି ପ୍ରଜ୍ୟୋଳିତ କଲ
ଓଡ଼ିଶାବାସୀଙ୍କ ହୃଦେ ,
ଉତ୍କଳ ଦୀପିକା ଅଭିଷିକ୍ତ କଲା
ଉତ୍କଳ ଗୌରବ ପଦେ ।୪
ଜାତିର ପ୍ରଗତି ଭାଷାର ଉନ୍ନତି
ଥିଲା ଜୀବନର ଲକ୍ଷ୍ୟ ,
ବାରିଷ୍ଟର ହୋଇ ଭାଷା ସାହିତ୍ୟାନୁରାଗୀ
ନେଇ ଓଡ଼ିଆଙ୍କ ପକ୍ଷ ।୫
ଇଂରେଜ ଶାସନ କରି ପ୍ରତିହତ
ରଖିଗଲ ଅଭିମାନ ,
ଓଡ଼ିଶା ସଂସ୍କୃତି ଓଡ଼ିଆ ପରମ୍ପରାକୁ
ମିଳୁଛି ଆଜି ସମ୍ମାନ ।୬
ତୁମେ କୁଳବୃଦ୍ଧ ଅଜର ଅମର
ଓଡ଼ିଶାର ବୀର ପୁତ୍ର ,
ଝୁରୁଥିବ ସଦା ଏ ଓଡ଼ିଶା ମାଟି
ମଧୁବାବୁ କୁଳବୃଦ୍ଧ ।୭
ବୀର ପ୍ରସବିନୀ ଓଡ଼ିଶା ଜନନୀ
ମଧୁବାବୁ ଯୋଗ୍ୟ ସୁତ ,
ମାତୃଭୂମି ପାଇଁ ଯା ପ୍ରାଣ କାନ୍ଦୁଥିଲା
ଅମଳିନ ସେ ନକ୍ଷତ୍ର ।୮