ଅଭିମାନୀ ପ୍ରିୟା

ତୁମେ ଋଷିଗଲେ  କେମିତି ହୋଇବ

   ଆସିଛି ଦୂରରୁ ମୁହିଁ

ହେଉପଛେ ଡେରି କାଳବେଳ ଦେଖି

   ତୁମକୁ ଦେଖିବା ପାଇଁ ।

ଅନେକ ଦିନରୁ   ହେଇ ନାହିଁ ଦେଖା

    ମାସଟେ ବରଷପରି

ସକାଳରୁ ସଞ୍ଜ   ଦିନ ହେଉ ରାତି

    ତୁମକୁ ହେଉଛି ଝୁରି ।

ଆଗ ମୋର ସଖୀ  ମୋ ମନ ମାନସୀ

    ସରଗର ଝରାଫୁଲ

ତୁମ ପ୍ରେମେ ମୁହିଁ   ସବୁ ଭୁଲିଯିବି

    ଦେଇ ଦିଅ ପ୍ରେମମୂଲ ।

ତୁମ ପାଇଁ ସତେ  ରଖି ଅଛି ଖୋଲି

Advertisement

     ହୃଦୟ ଦୁଆର ମୋର

ଗିରିଷମ ଝାଞ୍ଜି    ଅଦିନିଆ ମେଘ

     ସହଜେ ହୋଇବ ଦୂର ।

ସପନର ରାଣୀ    ମୋ ମନ ମୟୂରୀ

     କୋଟିଏରେ ଗୋଟେ ତୁହି

ଗାଆଁରୁ ସହର     ଯୋଉଠି ଖୋଜିଲେ

     ତୋପରି ମିଳିବେ ନାହିଁ ।

ଅଭିମାନୀ ପ୍ରିୟା     ଅଭିମାନେ ସିଏ

     ଟିକିଏ ଯାଇଛି ଋଷି

ଗେହ୍ଲେଇ କହିଲେ   ମଧୁର ଛୁଆଁରେ

     ଖୁସିରେ ଦେବ ସେ ହସି ।