ପ୍ରେମ ହେଇଗଲା ପକା
ପ୍ରେମ ହେଇଗଲା ପକା
ମୁହଁ ସଞ୍ଜ ବେଳେ
ଯମୁନାର କୁଳେ
କାହ୍ନା ସହ ମୋର ଦେଖା
ତା ବାଙ୍କ ଚାହାଣି
ମନ ନେଲା କିଣି
ପ୍ରେମ ହେଇଗଲା ପକା ॥୦॥
ସରମରେ ସଖି
ନରମିଲା ଆଖି
କହୁଛି ମରମ କଥା
ବିରହରେ ଜଳେ
ବିରହିନୀ ମୁହିଁ
ହୃଦେ ଭରା ମୋର ବ୍ୟଥା
ରହି ପାରୁ ନାହିଁ
ସହି ପାରୁ ନାହିଁ
କି କହିବି ଲୋ ବିଶାଖା ॥୧॥
କଣେଇ କଣେଇ
କହ୍ନେଇ ଅନେଇ
ଭାଙ୍ଗିଦେଲା ମୋର ଦମ୍ଭ
ଯମୁନା କୁଳକୁ
କେମିତି ଲୋ ଯିବି
କାଖରେ କାଖେଇ କୁମ୍ଭ
ସେ କାଳିଆ ଟୋକା
କାଳେ ଦେବ ଧୋକା
ଡର ଲାଗେ ବିହି ଲେଖା ॥୩॥