ପଣିକିଆ ଗୀତ - ୦୨

ତିନି ଏକେ ତିନି

ପିତା ମାତାଙ୍କ କଥା ମାନିଲେ

ବିପଦ ଆସିବନି ।

ତିନି ଦୁଗୁଣେ ଛଅ

ପିତା ଓ ମାତା ଈଶ୍ୱର ଆମ

ତାଙ୍କୁ ଭକତି ଦିଅ ।

ତିନି ତିରିକି ନଅ 

ପିତା ଓ ମାତାଙ୍କୁ ଭକ୍ତି କରି

ତାଙ୍କରି କୃପା ପାଅ ।

ତିନି ଚଉକୁ ବାର

ପାଖେ ଥିଲେ ଆମ ପିତା ମାତା 

କାହାକୁ ନାହିଁ ଡର ।

ତିନି ପଞ୍ଚା ପନ୍ଦର

ସକାଳୁ ଉଠି ପିତା ମାତାଙ୍କ

ପାଦକୁ ସ୍ପର୍ଶ କର ।

ତିନି ସୋଖ ଅଠର

ପଦସ୍ପର୍ଶରେ ମିଳିବ କୃପା

ହସିବ ଆମ ଘର ।

ତିନି ସତା ଏକୋଇଶି

ବିଜୟୀ ହେବା ପିତା ଓ ମାତା

ଦେଲେ ଆଶିଷ ହସି ।

ତିନି ଅଷ୍ଟା ଚବିଶି

କରିବା ଚାଲ ତାଙ୍କରି ସେବା

ତାଙ୍କରି ଦୁଃଖ ନାଶି ।

ତିନି ନୁଆ ସତେଇସି

ପିତା ମାତାଙ୍କ ଖୁସିରେ ଯାଉ

 ଆମରି ଦିନ ବିତି ।

ତିନି ଦଶା ତିରିଶି

ଜୀବନ ଆମ ସାର୍ଥକ ହେବ

ହୋଇଲେ ତାଙ୍କେ ଖୁସି ।