ଆଗୋ ମୋର ରୂପବତୀ
ଆଗୋ ମୋର ରୂପବତୀ
ମୋ ମନ ମାନିନୀ ପ୍ରେମ ସୁହାଗିନୀ
ଆଗୋ ମୋର ରୂପବତୀ ।
ତୋ ପ୍ରୀତି ପରଶ ପାଇ ମୁଁ ହରଷ
ପ୍ରେମ ରାଇଜରେ ଅତି ।।
ଦେଖିଦେଲେ ତୋତେ ମନ ପୂରିଯାଏ
ହୃଦୟ ହୁଏ ମୋ ଖୁସି ।
ଆବେଗରେ ମନ ଭରିଯାଏ ମୋର
ଦେଲେ ତୁହିଁ ଟିକେ ହସି ।।
ଭାରି ଭଲ ଲାଗେ ତୋ ପ୍ରୀତି ଚାହାଣି
ଅସଜଡା ଘନ କେଶ ।
କୋମଳ କପୋଳ ରକ୍ତିମ ଅଧର
ପ୍ରେମେ କରେ ମୋତେ ବଶ ।।
କୁଚ ଦେଶେ ତୋ'ର କଞ୍ଚୁଲି ଶୋଭିତ
ଆହାଃ କି ସୁନ୍ଦର ସତେ ।
କୃଶ କଟିଦେଶ ସୁଉଚ୍ଚ ବକ୍ଷଜ
ଆନମନା କରେ ମୋତେ ।।
ମୋହିନୀ ନିତମ୍ବ ମସୃଣ ଚିବୁକ
ମଧୁର ତୋ କଣ୍ଠ ସ୍ୱର ।
ସେ ସୁରେ ଶୁଣିଲେ ତମେ ବୋଲି ଡାକ
ହୃଦ ଗତି ବଢେ ମୋର ।।
ଦୁନିଆ ଭିଡରେ ଯୁଆଡେ ଦେଖିଲେ
ତୁମ ମୟ ଦିଶେ ମୋତେ ।
ତୋ ରୂପ ସୁନ୍ଦର ହୃଦୟକୁ ମୋର
ପାଗଳ କରିଛି ସତେ ।।