କଳକଣ୍ଠି ପ୍ରିୟା
କଳକଣ୍ଠି ପ୍ରିୟା
କଳକଣ୍ଠି ପ୍ରିୟା ମୋର
କଳକଣ୍ଠ ସ୍ୱରେ
ଭଲପାଏ ବୋଲି ଯେବେ
କହିଦେଲା ଧିରେ ।
ସେତେବେଳେ ସେହି ସ୍ଥାନ
ମହକି ଉଠିଲା
ପ୍ରସ୍ପୁଟିତ ହୋଇ ପୁଷ୍ପ
ସୁଗନ୍ଧ ବାଣ୍ଟିଲା ।
ଶୁଣାଗଲା କୁହୁ କୁହୁ
ସ୍ୱର କୋକିଳର
ପ୍ରବାହିତ ହେଲା ଧୀରେ
ଶୀତଳ ସମୀର ।
ତରୁଲତାଗଣ ଅତି
ଆନନ୍ଦ ମନରେ
ବାଦ୍ୟଯନ୍ତ୍ର ବଜାଇଲେ
ସମୀର ସାଥିରେ ।
କେକୀ ନାଚି ମୋତେ ଦେଲା
ସେ ଅଭିନନ୍ଦନ
ପ୍ରୀତି ରଙ୍ଗେ ପୂର୍ଣ୍ଣ ହେଲା
ସେହି ଉପବନ ।
ଶୁଭେଚ୍ଛାର ବାର୍ତ୍ତା ମୋତେ
ଅତି ଆନନ୍ଦରେ
ଅସ୍ତଗାମୀ ରବି ଦେଲେ
ଥାଇ ଗଗନରେ ।
ଆନନ୍ଦେ ବିଭୋର ହେଲା
ହୃଦୟ ମୋହର
ଶୁଣି ତା'ର କଥା ପଦ
କଳକଣ୍ଠ ସ୍ୱର ।