ମୋ ଗାଁ

କେଡେ ସୁନ୍ଦର ଗାଁଟି ମୋର ଲାଗଇ ମଧୁର ଭାରି 

ସଫା ସୁତର ଭାରି ନିର୍ମଳ ପରିବେଶ ଅଟେ ତା'ରି ।

ବାର ମାସରେ ତେର ପରବ ପାଳନ୍ତି ଏଠାର ଜନ 

ସଭିଙ୍କ ଠାରୁ ଏଠାରେ ମିଳେ ପଲ୍ଲୀ ସଂସ୍କୃତି ଜ୍ଞାନ 

ବିପଦ ବେଳେ ସଭିଏଁ ମିଶି ଦୁଃଖକୁ ଦିଅନ୍ତି ହରି 

କେଡେ ସୁନ୍ଦର ଗାଁଟି ମୋର ଲାଗଇ ମଧୁର ଭାରି ।

ଓଡ଼ିଆ ଘର ପଲ୍ଲୀ ଜୀବନ ପିଠା ପଣାର ମଜା 

ଅତୀତ ହେଉ ବିତି ସେ ଯାଉ ଲାଗଇ ସର୍ବଦା ତାଜା ।

ମୋ ଗାଁ ପାଖେ ଛୋଟିଆ ନଈ ଆନନ୍ଦେ ଯାଉଛି ବହି

ଗଭୀର ଜଳେ ଯୁବକେ ମାତେ ଅତି ଆନନ୍ଦ ହୋଇ ।

ସଞ୍ଜ ସକାଳେ ମୋ ଗାଁ ମନ୍ଦିରେ ଭକତେ ହୁଅନ୍ତି ମେଳି 

କେଡେ ସୁନ୍ଦର ଗାଁଟି ମୋର ଲାଗଇ ମଧୁର ଭାରି 

ସୁମନ୍ତ ମନ ଭାରି ଉଲ୍ଲାସ ତାହାରି କୋଳରେ ରହି 

ତାହାରି ଗାଥା ଗାଉଛି ଆଜି ମନେ ସେ ଆନନ୍ଦ ହୋଇ ।