ଶିଶୁ ଶ୍ରମିକ

ଶିଶୁଟିଏ ମୁହିଁ ଶିଶୁଟିଏ

ବିଶ୍ୱ କାନନର କଢ଼ଟିଏ

ପ୍ରସ୍ଫୁଟିତ ହୋଇ ବାସ ଦେବା ପାଇଁ

ଅପେକ୍ଷାରେ ମୁହିଁ ରହିଥାଏ ।

ମନେ ଥାଏ ଆଶା ଅସୁମାରୀ

ବିକାଶ କରିବି ପାଠ ପଢି

ଦେଶ ମାତୃକାର ସେବା ମୁଁ କରିବି

ତ୍ରିରଙ୍ଗା ପତାକା ହାତେ ଧରି ।

(କିନ୍ତୁ) ସମାଜଟା ଶତ୍ରୁ ହେଲେ ମୋର

ଆଶା ହୋଇଯାଏ ଚୁରମାର

ଦୁନିଆରେ ବାସ ବିତରିବା ପାଇଁ

ବଳ ପାଏ ନାହିଁ ଆଦୌ ମୋର ।

ଶିଶୁ ଶ୍ରମିକ ମୁଁ ହୋଇଯାଏ

ଅନେକ ଯାତନା ଏଠି ପାଏ

ଶିଶୁ ଅଧିକାର ଆଇନ ଥାଇ ବି

ଜୀବନରେ କ୍ଳେଶ ଭୋଗୁଥାଏ ।

ସଭିଏ ହୁଅ ହେ ସାବଧାନ

ବୁଝ ଥରେ ତୁମେ ମୋର ମନ

ଭବିଷ୍ୟତେ ନିଶ୍ଚେ ବିକାଶ କରିବି

ମୋତେ ଦିଅ ଥରେ ଟିକେ ଧ୍ୟାନ ।।