ଜୟ ଜଗନ୍ନାଥ
ଜୟ ଜଗନ୍ନାଥ
1 min
271
ଜଗତର ନାଥ ଆହେ ଜଗନ୍ନାଥ
ଜଗତ ଜନଙ୍କ ମିତ
ତୁମକୁ ଦେଖି ମୋ ଖୁସି ହେଲା ମନ
ଆନନ୍ଦେ ନାଚିଲା ଚିତ୍ତ ।
ଟେକି ଦୁଇ ହାତ ସମର୍ପିତ ହେଲା
ତୁମ ପାଶେ ମୋର ହୃଦ
କ୍ଷଣିକ ସମୟେ ଚାଲିଗଲା ଯେତେ
ହୃଦେ ଥିଲା ମୋର ଖେଦ ।
ଅଟକି ଗଲା ମୋ ଚକ୍ଷୁ ତୁମ ପାଶେ
ହୃଦେ ଭରିଗଲା ପ୍ରୀତି
ତୁଣ୍ଡ ଉଚ୍ଚାରିଲା ଜୟ ଜଗନ୍ନାଥ
ସ୍ଥିର ହେଲା ମୋର ମତି ।
କର୍ଣ୍ଣେ ଶୁଣାଗଲା ତୁମ ନାମ ପ୍ରଭୁ
ପ୍ରଫୁଲ୍ଲିତ ହେଲା ପ୍ରାଣ
ଦେଖି ତୁମ ମୁଖ ଶରୀରରେ ମୋର
ସୃଷ୍ଟି ହେଲା ଶିହରଣ ।
ଅପୂର୍ବ ମହକେ ମହକି ଉଠିଲା
ସେଠାକାର ପରିବେଶ
ଧନ୍ୟହେଲି ସେହି ମହକ ପାଇ ମୁଁ
ଆହେ ପ୍ରଭୁ ହୃଷିକେଶ ।