ପରିଶ୍ରମ କର
ପରିଶ୍ରମ କର
ସଂସାର ଟା ପରା ଗୋଟେ ପାଠାଗାର
ଏଠାରୁ ଶିଖିବା ପାଠ,
ରାତି ପାହିଗଲେ ସଅଳ ଉଠିବା
କରିବାନି ଜମା ମଠ ।
କଳରବ କରି ପକ୍ଷୀ ଉଠିଲେଣି
ନକରି ଆଳସ୍ୟ ପଣ,
ମହୁମାଛି ଉଡ଼ି କାମେ ଲାଗିଲାଣି
ତାକୁ ଦେଖି ତୁମେ ଜାଣ।
ପିମ୍ପୁଡ଼ି କୁ ଦେଖ ଟିକି ପାଦରେ ସେ
କେତେ ଦୂର ଯାଏ ଚାଲି,
ଶ୍ରମ କରି ଚାଲେ ନିରନ୍ତର ଏକା
ସବୁ ବାହାନା କୁ ଭୁଲି ।
ମନେ ଧୈର୍ଯ୍ୟ ରଖି ତପସ୍ୟା ବଳରେ
ପ୍ରଜାପତି ଜନ୍ମ ନିଏ,
ନିଷ୍ଠାପର ହୋଇ କର୍ମ କରିଗଲେ
ସଫଳତା ପାଦ ଛୁଏଁ ।
ବୁଢିଆଣୀ ବସା ଭାଙ୍ଗିଯାଏ ସିନା
ପବନ ବେଗ ନ ସହି,
ହେଲେ ତାର ମନୁ ଜିତିବାର ଆଶା
କିଞ୍ଚିତେ ଯାଏନି ଧୋଇ ।
ସଫଳତା ଯଦି ପାଇବାକୁ ଇଚ୍ଛା
ଲକ୍ଷ୍ୟ ରେ ରଖିବ ମତି,
ଆତ୍ମବିଶ୍ଵାସ ରେ କରିଲେ କରମ
ଦୁନିଆ କୁ ଯିବ ଜିତି ।