ଅଫୁଟା ଫୁଲ

ନବ ପଲ୍ଲବିତ କଳିକା ଟିଏ ମୁଁ'

ଜାଣେନା ପ୍ରଭାତ ହେଲେ ..!

କେଉଁ ଦେବତାଙ୍କ ସାନ୍ନିଧ୍ୟ ଲଭିବି

 ଅବା ଯିବି ପାଦ ତଳେ ..!

  

ମୋ' ସୁଗନ୍ଧ ଭରା କୋମଳ ସୌନ୍ଦର୍ଯ୍ୟ

ଗଭାରେ ସଜ୍ଜିତ ହେବ ।

ଅବା ପୁଣି କାହା ବାସର ଶେଜରେ 

ବୃନ୍ତଚ୍ୟୁତ ହୋଇଯିବ ॥

ପ୍ରେମୀର କୋମଳ ଅଧର ସ୍ପର୍ଶରେ

ତନୁ ମନେ ଶିହରଣ ।

ଖେଳି ଯିବ କାଳେ ନୂଆ ଉନ୍ମାଦନା

ପାଇ ମଧୁପ ଦଂଶନ ।।

କ୍ଷତାକ୍ତ ଯୌବନ ସୁନେଲି ସ୍ୱପ୍ନରେ

ଧୂଳିସାତ ହୋଇଯିବ ।

ମୋ' ସୁଗନ୍ଧ ଭରା କୋମଳ ସୌନ୍ଦର୍ଯ୍ୟ

ଗଭାରେ ସଜ୍ଜିତ ହେବ..।।